独家丨《造星V》冠军Lyman靓老婆Zoe甜爆老公秘密 Tsoul使尽6位数积蓄 王锋恨入男团未签ViuTV

是非绝对是历届之冠的《全民造星V》终于圆满结束，由零负评的民选NO.1香胤宅（Lyman）大热夺冠，其太太Zoe当然有到场，《星岛头条》邀请笑容好Sweet的香太倾几句，超Nice的她有问必答，更大爆老公比赛以来的有趣小秘密､两人的浪漫史，以及Lyman左耳听力有问题的原因。最重要美国回港后Zoe即去小店攞应援撑老公，决赛日又煲爱心靓汤送畀十强，又靓又暖同Lyman衬到绝。另外，决赛排名分别第5及第8的Tsoul（田曜诚）及王锋为接近7个月的比赛使尽积蓄，两人均强调非网上所传已跟ViuTV签约，只认有倾过偈。采访:廖思慧、杜杜   摄影:Stanley

问到有否奖励畀Lyman，香太笑言，「奖佢食一包薯片，佢好耐无食，佢好锺意食零食，」Fans送礼又多个选择嘞。

香太拎的灯牌由Lyman家人订造，设计精美不过都几重，另外还有Lyman样的小袋仔。影相前，香太见到地下有个胶樽，佢执起唔想跣亲人，人真好。

香太真人Young过上镜，仲有啲似《胶战》嘅Hillary 。

Lyman在总决赛的两个ITAM变化好大，特别系第二个，香太原来都有畀意见。 「佢自己好有IDEA，一开始想做某几首歌，从中再拣，我就会建议呢两个比较好，所以先会向呢个方向。」

对于Lyman留港发展，香太甜笑表示 ，「如果有人OFFER，大家都想睇佢，我都会搬返嚟支持佢，喺呢边工作。」

Lyman Fan Club搞得好好，好多地方都可以拎应援，香太一返港就去帮衬小店兼拎应援。

Lyman 喺多个访问提到老婆识煲汤，所以香太一返香港就行街市。

香太煲苹果雪梨水畀十强，「Lyman提过好多次，太太识煲汤，又话太太返嚟，就煲埋畀十强饮(扮埋声)，好想帮佢实现，同埋真系想为大家打气。」

香太好有心机，每樽雪梨水都连埋一张小咭，Taco收礼好开心。

Snoopy张小咭写住绅士风范的Snoopy。

Lyman的IG Followers 由首播的1,698去到最新52300，全靠Zoe帮手报名，今届《造星V》才有如此高质的参赛者，Fans都话好多谢香太，对于老公夺冠，她说:「好开心，好感激支持者，冇佢哋，相信Lyman都唔会去到呢个名次。」香太表示跟老公在美都是Artist，只要有机会展示Performance，去边都无所谓，「不如试吓，佢话几好喎就报咗名。」她又称对名次一直抱平常心，「最重要佢做咗佢想做嘅嘢，又Show畀大家睇，佢属于舞台。」对于愈来愈多的Lyman Fans ，香太好感激，「感激大家对佢嘅爱，真系好体贴，好用心去制作好多应援，头先都去咗佢哋嘅BOOTH打招呼，佢哋都好热情，真系好多谢你哋。」

 

Lyman的IG Followers 由首播的1,698去到最新52300。

香太好感激Fans对老公嘅爱。

跟Lyman结婚三年的香太都是艺人，同样参与过百老汇的演出，参与的作品《Fishbone》入围各大电影节。

除了演戏，香太都会接MODEL工作。

香太都有放片上YouTube。

BB Lyman发烧影响听力
香太透露Lyman每次度完比赛项目都会问佢意见，「有咩好同唔好，再一齐improve。好锺意20强嘅《imPERFECT》因为可以畀大家深入了解佢内心。」提到Lyman好坚强，节目中完全未见过佢喊，香太坦言，「其实有㗎，去到20强都表露咗好多心底嘢。」Lyman在决赛中首度公开听力有问题，香太大方补充，「佢BB时期发高烧导致左耳完全听唔到，唔会影响学语言，因为由细到大都习惯咗，如果同佢讲嘢听唔到，真系唔好意思，佢唔系特登。」她又赞老公，「佢本身好多Energy，从来冇因为呢样嘢自卑。」

香太坦言冇睇晒《造星V》，但老公嘅全部睇晒，最爱20强的《imPERFECT》。

香太称Lyman BB时期发高烧导致左耳完全听唔到。

比赛中期Lyman公开已婚，更曾在本报访问称太太是中学同学，由于当时矮过对方又嘈，Zoe眼尾都无望佢。之后两人在英国大学重遇，拍拖12年，结婚3年，香太笑言，「佢发育比较慢，细个比较矮，之后有飙高，由细到大都紥紥跳，好大声，嗰时觉得佢几得意，但冇话特别有兴趣。直至去英国读大学，大家都成熟咗少少，佢又变得靓仔咗少少(笑住讲)加上有好多共同兴趣。」对于Lyman留港发展，她说点都会返香港陪老公。

香太的社交平台有大量跟Lyman的合照，拍拖一周年的两人，好Green呀。

拍拖五周年。

拍拖六周年。 ​

拍拖七周年。 ​

拍拖八周年。 ​

拍拖八周年。 ​

拍拖九周年。 ​

拍拖九周年。 ​

拍拖十一周年。 ​

拍拖十一周年。 ​

拍拖十二周年。 ​

香太于今年4月曾短暂返港陪老公比赛，Lyman百忙中都有陪老婆去主题公园玩。

香太称Lyman 有讲过自己压力大，「但我相信咁多位参赛者去到呢个阶段都必定有压力，受到大家嘅影响，一路同佢讨论，听佢意见。」

王锋想入行未有公司搵
王锋在决赛夜得6分排第8，虽然是尾二，但他好满意，更自评有85分，特别满意Solo部份，至于两个表演都选唱英文歌，他说，「听得多英文歌，同埋locking源自黑人文化，好想返去最原始感觉。」笑晒做访问的王锋承认已调整好心情，「之前收到好多负评，有压力，身边人为我打气，慢慢搵返初心，知道自己实力喺边，建立咗自信。」王锋估计为比赛使费至少有5位数，坦言未埋单所以唔敢谂。最希望组男团出道的他，仍未收到任何公司电话，当中包括ViuTV，「真系未，所有约都未签，如果有就好啦！」他最希望加入电视台，「觉得电视台接触层面广啲，除咗唱方面，仲可以拍剧，又有综艺节目玩，可以旅行，如果去澳洲就好嘞！」

王锋觉得上大舞台造型唔悭得，除用大会提供的服装外，更自资5位数加码改造服装。

王锋跟Marf的表演有蛇的元素，他提议发型师将头发整湿。

王锋比赛期间因为改舞步搞到万箭穿心，终于完成比赛，心脏变得强大的他终于识笑。

王锋承认赛前压力太大，每晚瞓3个钟就醒，比赛结束最想瞓个好觉。

因为歌衫太贴身，王锋怕凸腩，表演前未有食嘢，完骚最想去打边炉。

虽然就快挂八号风球，王锋都去会合Fans影相。

 

 

Tsoul眼湿湿讲Nathan
Tsoul最终得14分，第五名完成比赛，他很满意自己演出，跟同是街舞出身的师兄Lokman同台好幸福，最开心完成梦想演出，「由参赛嗰吓，已想做《Dangerous》向Michael Jackson致敬嘅表演，做到好开心。」评判谢安琪赛后表示很欣赏Tsoul，更想跟他学跳舞，Tsoul好开心，Kay仲亲自为他打气，「佢好supportive跳舞明星呢个方向，竟然会获得香港咁出名嘅歌手、明星去表示支持呢个方向，我觉得好幸运，本身都好锺意佢同张继聪，所以获得佢嘅肯定更加开心。」参赛7个月极少教跳舞和做DJ工作的Tsoul，得支出冇收入，承认已使了近6位数积蓄。努力向跳舞明星路进发的他，明白跳舞明星需要时间消化，「我当然会唱歌、做综艺去平衡返，亦希望畀机会我嘅公司都会尊重我，想主力跳舞。」他亦尴尬承认ViuTV曾联络，「有倾吓偈咁罗！」

Tsoul打入10强即搵老师学唱歌，总决赛未有大走音已很满意。

Tsoul跟Lokman用3日时间夹跳唱《INDUSTRY BABY》，又一齐填Rap词。

Tsoul跟同是街舞出身的师兄Lokman同台，觉得好幸福。

Tsoul集齐香港顶尖Popping舞者跳《Dangerous》，因大家太忙只排了3次。

Tsoul好锺意ViuTV的造型师为他准备的两套歌衫，fashion得嚟又突显到首歌。

 

讲到老友Nathan（魏念恩）退赛，Tsoul眼湿湿表示可惜，但会尊重对方决定，更指总决赛前一日彩排已觉对方唔妥，「佢系比较忧愁，但我哋唔系见好耐，冇乜交流。」

对于老友退赛，Tsoul觉得好可惜。

比赛完结，大量粉丝在场外等候偶像签名合照，图中为ASH。

《星岛头条》新网站有更多精彩内容：http://www.stheadline.com/