Juicy叮｜Boxing Day初次约会港男带食双餸饭 女方即借尿遁离场

价钱便宜又美味的双餸饭深受欢迎。不过，有港男则发文指，在昨日的Boxing Day(26日)，第一次相约女网友见面，并到一间售卖双餸饭的餐厅吃午餐。没料到，女方在进入餐厅后竟借尿遁离开，令他大呻「乜真系好失礼咩？」

该名港男在Dcard讨论区以「乜真系好失礼咩？点解可以就咁走咗去」为题发文，提到本月初透过应用程式认识一名女网民，「大家一路都几好倾，仲愈嚟愈暧昧添」，直到在Boxing Day终于成功相约对方外出见面。他指，由于当时已是中午12时，加上在早上未有吃早餐，「大家都有啲肚饿，咪去食饭先」。他指，双方在途中有说有笑，「我问佢食咩佢又话冇乜所谓，咪同佢去附近间卖双餸饭嘅餐厅食个quick lunch 医下肚罗。」

请点击组图浏览：

楼主带女网友到一间售卖双餸饭的餐厅吃午餐。资料图片

楼主形容双餸饭价廉物美，而且选择多。资料图片

部分人则批评女方的行为没有礼貌。网页截图

不少网民则认为楼主带女方吃双餸饭的决定错误。网页截图

有人直言楼主「凭实力单身」。网页截图

另有人则关注另一个重点。网页截图

直到在进入餐厅后，女方表示想去洗手间，让楼主先行购买食物。楼主指，「咁我买好大家嘅嘢食，坐喺到等咗佢成半个钟都未出嚟，我以为佢系咪喺入面出咗事，Signal 佢又唔应机，打畀佢又唔通」。楼主续指，由于该餐厅没有洗手间，因此需要走到附近商场，因此认为需要较长时间亦是合理，「点知原来佢已经一早走咗人，最后我唯有一个人打包两盒饭返屋企食」。楼主指，回到大厦的地下大堂时，保安询问他「今日过节都唔出去玩咩？」，自己随即有苦难言，亦不好意思说出真相。

楼主在帖文中大呻，「请问双餸饭真系好失礼咩？ 」，并形容双餸饭价廉物美，而且选择多，并指「都系食个lunch啫，唔啱食咪出声罗，转场去食omakase都得㗎，点解要就咁走咗去咁无礼貌喎」。他又指，「本身大家系谂住全日出嚟玩，我晚上仲book 咗去东方文华同佢食buffet，依家唔洗啦，晚上我食埋佢剩低果盒饭算喇。」

相关新闻：

Juicy叮｜老板周年宴订「两餸饭到会」惹议 网民直言「即刻递信」：https://bit.ly/3WFatl2
Juicy叮｜男友称食两餸饭可减肥 港女忧不太健康：认真咩？：https://bit.ly/3jfGRMO
Juicy叮｜炒炸烧卖登陆两餸饭 网友热列期盼：鱼蛋烧卖肠粉饭：https://bit.ly/3F39oxu
Juicy叮｜暂代阿妈煮饭惨被家人批「猪都唔食」 港女呻：被嫌三嫌四唔好受：https://bit.ly/3F4CBrY
Juicy叮｜女友嫌弃两餸饭 港男感不解：下次叫三餸饭会唔会开心啲？：https://bit.ly/3F2JnhN

不少网民则认为楼主带女方吃双餸饭的决定错误，并指「如果你同佢嘅第一餐饭系去酒店buffet嘅话，结局应该好唔同。讲真啦，第一次约人出嚟，求其都唔会系双餸饭」、「双餸饭本身冇问题，问题系第一次约喎，普普通通一间餐厅都应该要啦，不过佢直接走冇讲声又衰咗啲」、「双餸饭，仲要第一次约，请我都唔食啦」、「第1次约女仔出嚟食饭拣双餸饭，帮你唔到，系都拣间正常嘅餐厅啦」、「你真系凭实力单身，约人我系完全冇双餸饭个概念。就算几穷都唔第一次见就食啲咁嘅挂，一个人就话求X其食啫」等。

部分人则批评女方的行为没有礼貌，并指「第一次双餸饭，真系搞唔掂。不过个女仔都无礼貌，最多食完无下次」、「双餸饭又唔系好算咩嘅，但系佢好唔尊重，好冇礼貌」、「痴线，个女仔又话冇所谓，唔锺意食都唔驶粒声唔出就走咗，一啲礼貌都冇」、「恭喜楼主啊，咁嘅女仔早啲睇清几好啊，真系几冇礼貌下」等。另有人则关注另一个重点，并指「我就唔信你拣得双餸饭，夜晚会同佢食文华buffet罗」、「其实文华似老吹，上个月尾都full晒12月尾booking，月头先识又点会畀你食到」等。有人则猜测「定系佢纯粹搵唔到厕所，搵咗好耐咋，结果返来都发现你走咗」，而楼主则回覆指「开头我都以为系咁，但其实等咗唔止30分钟，我唔介意等，不过佢完全唔应机，直头封锁咗我」。

帖文来源：Dcard讨论区

《星岛头条》APP经已推出最新版本，请立即更新，浏览更精彩内容：https://bit.ly/3yLrg