货柜码头夺命工伤│农历生日变死忌 幸福家庭破碎 父怒吼：要追究责任

「佢好顾家，对小朋友好，对老婆好，我同仔女想要买乜，佢有钱买得起嘅都会买畀我哋。佢好勤力，每朝6点几出门口，有时又会加班，凌晨4点开工，到第二朝先收工。」今日(15日)在葵涌货柜码头疑为防撞缓冲板做压力测试时，因发生爆炸而被飞弹10米外重创不治的37岁茹开洋，在妻子眼中是好丈夫，在父母眼中是孝顺仔，今日更是茹的农历生日，原本一家人打算买薄饼及加餸在家庆祝，岂料早上噩耗传来，生辰变死忌，美好家庭瞬间破碎，茹母不禁慨叹：「哎，以后点算呀！」

茹开洋与妻育有一对子女，长子幼女，幼女年仅3岁，稚子无知，还不知父亲死讯，在家闹着玩，茹父母及妻子却弥漫一片愁云惨雾。茹妻本身患有甲状腺病，要长期服药，每月要覆诊，「加加埋埋中西药都要成3000几蚊，重嘢嘅工作我做唔到，只可以做低人工嗰啲。」茹开洋一家四口与父母同住梨木树邨，所以一家的经济重担都落在开洋身上。

相关新闻：货柜码头夺命工伤│压力测试气体突爆炸 37岁男工人飞弹10米外 重创不治

茹的细女稚子无知，还不懂父亲去世的事。

死者茹开洋。家人提供相片

茹的细女稚子无知，还不懂父亲去世的事。

茹开洋母亲对儿子惨死一脸难过：「以后点算好？」蔡楚辉摄

一家失去经济支柱。

 

茹父本身都在地盘工作，因年老现只间中开工，他说儿子「乜都做，烧焊、风煤、泥水乜都做。」他指细仔都是与开洋在同一地盘工作，「今早接到细仔电话，先知开洋出事。佢喺呢间公司做咗十几年，一个月基本有2万多人工，加班开夜都会有3万几蚊，一家生活还可以。」只是出事后，他直指公司无人联络他们一家，「点解会做呢啲压力测试？监管系咪有问题？要调查呢件事！要追究责任！」

茹妻对丈夫公司的处理手法更是不满，「发生咁嘅事，公司老板或管理人，一个电话都冇打过嚟，如果唔系我叔仔喺嗰度返工，我都唔知发生咩事！其实去到医院，都系阿Sir同我讲啲情况，公司真系冇一个人去，只有一个工友去，叫我唔好咁难过。佢公司到依家都冇一个电话。」

茹妻说丈夫不时向他诉苦指：「自己系主力，一个人做两个人嘅嘢，佢出手就会快啲，佢唔出手就要多两个同事做，几斤重嘅风炮都系佢拆，靠唔到同事。听佢讲过话要落海底，仲差啲俾海水冲走，我仲叫佢小心啲。」开洋一般是早上6时许出门，正常傍晚6时收工，但不时会开夜加班，之前试过凌晨4时开工，翌日早上9点收工，开洋亦不禁「呻」辛苦。

茹妻忆起昨晚一家人还好开心，完全无徵兆，「以前有咩事，我都会眼眉挑，但依家挑都冇挑过，我今日瞓紧觉，听到叔仔电话，话大佬昏迷咗，叫我去玛嘉烈医院，点知落到楼下巴士站等紧的士，就话佢已经走咗。」

茹妻说丈夫好顾家，平日在家只喜欢打机，不喜外出，但总会陪仔女到楼下玩耍。想不到，一夜间大好家庭，老父母没有了儿子，妻子痛失丈夫，仔女失去了好爸爸。

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ