Juicy叮｜旺角饭局4只濑尿虾盛惠1200元 网民反而声讨168元飞天通菜

有网民近日以「朋友去食，佢问我4只7寸长濑尿虾值唔值1200元」为题发帖，并上载一张旺角菜馆的晚饭收据。由于8人饭局的总金额银码高达6288元，被其他网友转发到不同的讨论区，惹来网民一阵骚动。

楼主事后补充「我都有问朋友食物相，因为系成班麻甩佬食所以无人打card。味道方面就一般酒楼味道。至于事前点解无问价，系因为呢餐系有搞手搞嘅团体饭，所以无人睇过个餐牌，同餐厅倾咗个budget就由佢地安排。大部分人事前唔知会食咩同埋每碟餸几钱」。

网民回应请点击组图浏览：

4只濑尿虾盛惠1192元。网上截图

网民指「餐牌有晒价钱，最多话唔好食／唔抵食」。网上截图

网民提到「飞天通菜煲168元，食完真系识飞天」。网上截图

网民发现「按比例计条鱼好抵食，就算一斤8个人分都系超抵」。网上截图

有网民称「4只1200蚊（7寸）真系唔贵罗」。网上截图

有网民指「如果系斑马濑尿虾...就唔系贵」。网上截图

网民分享经验，指「海鲜档买，无记错，7寸应该都198一斤，街市买应该都要700至800，贵平就见仁见志」。网上截图

综合以上情况，回应的网民先谈论盛惠1192元的4只濑尿虾主角，有人和议指「海鲜价，咪就系讲呢D罗」、「差唔多成300蚊只濑尿虾，我有冇睇错」、「200几元一只，就快拍得著龙虾」、「298元只赖尿虾 …可以食到一只本地龙虾啦…」。

另有看来是老饕的网民则提供经验指「讲真4只1200元（7寸）真系唔贵罗。除非你叫之前无问价钱。否则唔应该拿出问其他人」、「差唔多。南非鲍鱼街市要50元一只左右，佢煮埋都系70几元。赖尿虾睇大小，大嘅的确要，佢哋8个人，食4只，应该都系大嘅」、「海鲜档买，无记错，7寸应该都198元一斤，街市买应该都要700元至800元，贵平就见仁见志（智）」、「人哋明码实价，300元只椒盐濑尿虾唔少铺（铺）都呢个价」、「如果系斑马濑尿虾...就唔系贵」。

飞天通菜要168元先神奇

说过濑尿虾，经网民细意审阅收据后，认为整顿饭6288元「好意头」，但同时发现售168元的飞天通菜和豉油皇炒面定价也太高，指「如果要讲飞天通菜要168元先神奇」、「飞天通茶煲168元？食咗会飞天？」、「按比例计条鱼（清蒸老虎斑368元）好抵食，就算一斤8个人分都系超抵」。

网民接著总结指，「嫌贵可以唔食，又唔系拎住支枪指住你入去」、「食嘢唔问价，同打开银包叫人随便，系无分别」、「其实餐牌有晒价钱，最多话唔好食／唔抵食」。

帖文来源：
Ball Lung
香港茶餐厅及美食关注组
https://www.facebook.com/groups/chachantang/permalink/3409831469250384/

《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ