Juicy叮｜好兄弟移民自己竟最后一个知 港男：心情衰过失恋
2022-11-20 13:15 
近年有不少人决定移民到外国生活，有港男则在网上发文指，有一个从小「玩到大」的好友，自己见证著对方成家立室，但近日发现对方一早已与妻子决定移民，而其他与他较不相熟的朋友亦知情，但自己却全然不知，直言「依家个心情仲衰过失恋呀！」
该名港男在香港讨论区以「根本唔当我系兄弟」为题发文，提到「有个兄弟由细同佢玩到大」，小学及中学亦就读同一间学校，直到升上大专才分开读书。在踏足社会后，两人在每个月亦会相约用餐至少两次，即使早前在疫情严重时无法堂食，亦会到对方家中吃饭。他指，对方去年求婚成功，原本打算明年年初结婚，「但系突然间话佢哋都系唔摆酒简单签纸就算」，自己当时亦特地请假观看对方签纸及一同合照，「见到由细玩到大嘅兄弟成家立室真系好开心，我阿妈仲笑我见到兄弟结婚开心到好似自己结婚咁」。
他续指，近日看到对方与妻子正在执屋，两夫妇在断舍离期间找到不少回忆，又指不少东西亦无法带走，因此只能拍照留念再弃置，「畀我见到以前细个同佢影啲相都畀佢摆咗入垃圾袋，好奇问佢系咪要搬屋，佢先同我讲佢哋要移民」，并指原来他们在求婚前已经决定好移民，「唔摆酒都系因为想悭钱」。他指，由始至终亦不知道他们计划移民，但其他较不相熟的朋友却知情，「我知道呢件事之后觉得佢根本冇当我系兄弟，依家个心情仲衰过失恋呀！」他又指，「最嬲唔系佢哋决定移民唔话我知，而系连啲唔系咁熟嘅人都知反而我系最后一个知」，并指「由细玩到大咁大件事都唔同我讲，如果我唔问嘅话可能就要佢走嗰日我先知」。他又直言，自己的心情有点矛盾，「一方面嬲佢冇同我讲，另一方面又知依家唔珍惜可以见佢嘅机会，迟啲就好难见」。
相关帖文随即引起热议，有网民安慰指「我明白这感受」、「人大咗就注定要分道扬镳」、「点返首《最佳损友》听下啦」、「明白你感受，有咗经验以后咩都会睇淡啲」、「人大咗你会知，天下无不散之筵席」、「睇开啲，你要知道世上没有一段关系是永恒的，有聚有离」、「咁多年友谊虽然可惜，但人各有志。做朋友咪祝福佢有新开始新生活，开始时会失落唔习惯，好似少咗啲嘢咁，但慢慢就会习惯」等。另有人则指出，「系兄弟的，直接讲粗口，话大佬，我好唔开心.......。第时移左民，无机会讲仲遗憾」、「兄弟就讲啦，佢知你只系短嬲，无野的」、「可能唔知点同你开口呢」等。
帖文来源：香港讨论区
最新回应