Juicy叮｜旺角飯局4隻瀨尿蝦盛惠1200元 網民反而聲討168元飛天通菜

有網民近日以「朋友去食，佢問我4隻7吋長瀨尿蝦值唔值1200元」為題發帖，並上載一張旺角菜館的晚飯收據。由於8人飯局的總金額銀碼高達6288元，被其他網友轉發到不同的討論區，惹來網民一陣騷動。

樓主事後補充「我都有問朋友食物相，因為係成班麻甩佬食所以無人打card。味道方面就一般酒樓味道。至於事前點解無問價，係因為呢餐係有搞手搞嘅團體飯，所以無人睇過個餐牌，同餐廳傾咗個budget就由佢地安排。大部分人事前唔知會食咩同埋每碟餸幾錢」。

網民回應請點擊組圖瀏覽：

4隻瀨尿蝦盛惠1192元。網上截圖

網民指「餐牌有晒價錢，最多話唔好食／唔抵食」。網上截圖

網民提到「飛天通菜煲168元，食完真係識飛天」。網上截圖

網民發現「按比例計條魚好抵食，就算一斤8個人分都係超抵」。網上截圖

有網民稱「4隻1200蚊（7吋）真系唔貴囉」。網上截圖

有網民指「如果係斑馬瀨尿蝦...就唔係貴」。網上截圖

網民分享經驗，指「海鮮檔買，無記錯，7吋應該都198一斤，街市買應該都要700至800，貴平就見仁見志」。網上截圖

綜合以上情況，回應的網民先談論盛惠1192元的4隻瀨尿蝦主角，有人和議指「海鮮價，咪就係講呢D囉」、「差唔多成300蚊隻瀨尿蝦，我有冇睇錯」、「200幾元一隻，就快拍得著龍蝦」、「298元隻賴尿蝦 …可以食到一隻本地龍蝦啦…」。

另有看來是老饕的網民則提供經驗指「講真4隻1200元（7吋）真系唔貴囉。除非你叫之前無問價錢。否則唔應該拿出問其他人」、「差唔多。南非鮑魚街市要50元一隻左右，佢煮埋都係70幾元。賴尿蝦睇大小，大嘅的確要，佢哋8個人，食4隻，應該都係大嘅」、「海鮮檔買，無記錯，7吋應該都198元一斤，街市買應該都要700元至800元，貴平就見仁見志（智）」、「人哋明碼實價，300元隻椒鹽瀨尿蝦唔少鋪（舖）都呢個價」、「如果係斑馬瀨尿蝦...就唔係貴」。

飛天通菜要168元先神奇

說過瀨尿蝦，經網民細意審閱收據後，認為整頓飯6288元「好意頭」，但同時發現售168元的飛天通菜和豉油皇炒麵定價也太高，指「如果要講飛天通菜要168元先神奇」、「飛天通茶煲168元？食咗會飛天？」、「按比例計條魚（清蒸老虎斑368元）好抵食，就算一斤8個人分都係超抵」。

網民接著總結指，「嫌貴可以唔食，又唔係拎住支槍指住你入去」、「食嘢唔問價，同打開銀包叫人隨便，係無分別」、「其實餐牌有晒價錢，最多話唔好食／唔抵食」。

帖文來源：
Ball Lung
香港茶餐廳及美食關注組
https://www.facebook.com/groups/chachantang/permalink/3409831469250384/

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ