AK @MIRROR首露面明显消瘦 认情绪不稳退fans群组
2022-11-04 20:54 
MIRROR成员江𤒹生（AK）、邱傲然（Tiger）、欧锦棠、谈言善与锺舒漫（Sherman）等今日在西贡为ViuTV新剧《打天下2》进行开镜拜神仪式，今次是AK与Tiger自7月MIRROR演唱会发生严重意外后首次公开露面，影相期间，虽然见AK明显瘦了不少，但他的精神及状态不错，且面露微笑，至于Tiger则没什么笑容。
【相关阅读】：《全民造星 V》12月拣男偶像 网民唔buy负评一面倒
【点撃睇《打天下2》开镜拜神仪式】：
Sherman指今次是首次拍ViuTV的剧集之馀亦是第一次拍长剧，她指最初也担心拍剧会辛苦，又指剧中各人也是有经验的演员，自己就像门外汉一样，不知怎算。Sherman透露自己在剧中饰演一个暗恋欧锦棠的酒吧老板娘，虽然她指不知自己的演技如何，但谈善言就即时帮口说：「棠哥话佢系一个被歌手耽误咗嘅演员。」又大爆Sherman有新花名叫「电漫」，Sherman则解释因剧情说她要一直偷望棠哥所致，她表示拍摄时也有向谈善言偷师，又指自己说话快及性格很急，故演出时需要不断调整状态，不过谈善言就大赞Sherman 演得好：「佢个角色好爽快，佢亦都有自己嘅演绎，不过因为佢行过有一阵风咁，所以我会叫佢做X-Men。」谈善言指上集《打天下》中打得好频密，虽然这次没有太多打斗场面，但就打到死：「啲打戏未拍，要放到最后先拍，我都唔知啲招式会系点，但知道佢（棠哥）会不断咁挑战我人体极限。」问到是否怕受伤，她说：「冇得惊，实伤，上一次都搞到啲根腱拉伤，不过上次就冇流血，希望今次都唔会。」
Ak与Tiger在仪式完结后受访，问到他们是否已收拾好心情工作，AK表示用了这两个月时间去沉淀事件：「大家都各自用咗自己嘅方法去过呢段时间，相信大家都有不同嘅得着，不论系上堂又好，静静地自修又好，各自有自己做嘅嘢，慢慢都喺呢段时间pick up自己嘅心情进入正常嘅生活节奏。」而Tiger则承认这段时间一定有不开心，不过现在有机会工作，能够见到更多人，反而会令自己感觉舒服一点：「可以同人倾吓计，所以都期待。」AK指10月开始已和Tiger为此剧做准备，两人亦有倾偈。问到两人在休息期间，睡眠时是否有发噩梦？AK指没有发噩梦，但他承认睡眠质素的确不太好，加上胃口亦不好，故瘦了一点：「套剧需要嘅运动量好大，同埋训练期间都消耗咗好多卡路里，（瘦咗几多？）瘦咗几多唔知，但我宜家度得28寸腰，以前有30。剧组都叫我唔好再瘦，因为10月头fitting嘅裤已经唔啱着。」
对于有指因Makerville在演唱会事件后未有明确的声明前，已安排MIRROR各成员相继复工，令他们惨变磨心，AK指12子复工前与公司亦有进行详细的沟通，大家亦有与公司倾谈工作量以及是想在唱歌还是在戏剧方面出发：「大家都有唔同planning，至于磨心方面，我觉得公司好多嘢都讲唔到，因为始终呢件事牵涉到好多法律上嘅问题，我知道连公司都未系好方便去讲住，因为政府始终未交代到一个完整嘅报道，我哋知道嘅嘢同公司知道嘅其实都差唔多，我哋都等紧个报告，但觉得呢段时间慢慢去进入返个生活节奏，都系一件好事。」Tiger说：「我从来都唔觉得公司龟缩，其实佢哋都好锡我哋，好照顾我哋，但无奈有好多唔系想唔想讲，系唔讲得嘅问题，所以大家而家都尽可能做好自己要做嘅嘢，做个好人就已经系帮紧件事。」AK又指这两个月中，无论是大众又或是自己的家人和朋友，在见面的时候也会关心和问候他们，但因他们所知的并不是很多：「我唯一知道嘅系，当时我哋喺现场，我哋知道件事发生系点样，我亦都知道公司系尽左最大嘅能力去保护我哋，花姐第三场坐咗喺控制台睇住成个show，呢啲都只系得我哋先至会知道嘅事。」他又透露这段时间有跟其他dancer联络，问到他是否有探望阿Mo（李启言），他则表示自己很想去探望，但因为医院的条例不能够那么多人一起去探望，加上阿Mo身处的并不是普通病房，其家人也想专心照顾阿Mo的关系，所以未有机会，但自己亦有keep住问对方的最新情况，不过他亦指有跟另外两名受伤的舞蹈员见面。问到可会与阿Mo视讯见面？他说：「我唔知道阿Mo喺病房嘅作息时间，我唔知道我哋可唔可以match到同阿Mo嘅FaceTime时间，呢个要再问公司，睇吓情况点样，可唔可以再安排。」
AK早前因退出fans群组，令大家很担心他的情绪，AK亦承认这两个月内情绪不稳定是事实：「经历咗咁大件事，我自己都需要去沉淀，至于离开TG group我觉得系一件好小嘅事，我想清理一下自己，我想试吓离开TG group 一段时间， 然后专注返系自己做嘅嘢，同未来想做嘅嘢上，想自己静一静，呢个就系我离开嘅最大原因。」
问到是否这段时间有爱情滋润，AK听后即很大反应说：「我就系冇呀，大家嘅猜测我都唔知点去解释。」AK解释当时自己只是去西贡放狗，麻利是他认识很久的朋友，加上对方住西贡又有养狗，自己对狗的认识也不太多，所以这段时间主要是问麻利和One Promise 鼓手冯卓然如何照顾狗狗：「我10月开工，有啲时间我未必有时间照顾到狗狗，所以有时我可能会搵麻利帮手，而家我同妈咪一齐住，妈咪又唔会帮手。（你同麻利系咪拍拖？）唔系啦，我同佢系一个好好嘅朋友关系。」提到早前他在手臂上纹有「M」，AK表示手上所有的纹身也是关于家人，是「屋企人手臂」，又笑指就算结婚也未必纹上老婆的名字。提到早前有指他们的合约即将到期，而传出散团传言，AK説：「仲争好远，至于散团，我哋12个都好珍惜大家所拥有嘅嘢，亦都好珍惜公司比到我哋嘅机会，我哋经历咗咁大件事，其实我哋12个都有一齐去倾，反而12个系比以前更团结。」
【其他文章】：
刘沛蘅拍广告收入激增至6位数 Tyson Yoshi轻呻女友掉低佢去旅行
阿妈有咗第二个 ｜姜涛柳应廷归队谢票 望票房冲破4000万大关
独家丨伦永亮赞好MIRROR最欣赏Edan 爆梅姐个唱彩排曾堕台受伤
最新回应