独家丨伦永亮赞好MIRROR最欣赏Edan 爆梅姐个唱彩排曾堕台受伤

2022-11-04 06:00

入行36年的音乐大师伦永亮(Anthony)将于本月26及27日，于戏曲中心举行两场《伦永亮「我是音乐人？」》音乐会。相隔3年再开Show，Anthony形容系缘份到，加上过去3年受疫情影响，令人变得情绪低落，趁仲有体力就要带出欢乐。采访：方骞平摄影：谭志光发型：Jam Ng 化妆：Ellen Tam

65岁Anthony转眼入行36年。

伦永亮保持年轻心境。

伦永亮好留意时下乐坛动向。

伦永亮要带出欢乐。

Anthony预先张扬个唱中有一part讲音乐人追潮流，会教大家潮语，作为65岁长者的他表示自己潮得起：「我有留意ERROR，睇193(郭嘉骏)做节目主持好有个人风格，讲嘢好似有深度；至于MIRROR 12子个个都唔同，见佢哋好团结，有种摄人力量。」他指队长Lokman（杨乐文）的普通话极之烂，但好好笑，见到佢哋就开心：「我最欣赏Edan(吕爵安)，佢弹琴弹得好好，睇得出好用心学咗好耐。」

伦永亮为个唱已准备就绪。

Anthony趁有气有力，举行个唱带出欢乐。

Anthony见到MIRROR就开心。

最欣赏Edan(吕爵安)，佢弹琴弹得好好，睇得出好用心学咗好耐。

193(郭嘉骏)做节目主持好有个人风格，讲嘢好似有深度。

梅姐满口搞笑歪理
Anthony指香港乐坛好耐冇Super Star，MIRROR的出现好似打咗强心针咁，能帮到本地乐坛。因此，他都有畀钱扑飞支持MIRROR，可惜未有机会睇到，但坚持保留门票静待佢哋重开演唱会。

伦永亮仍保留MIRROR演唱会门票，静候他们重上舞台。

伦永亮在乐坛多年，跟合作无间的已故天后梅艳芳、林忆莲、吕方等好老友，又曾于舞台上跟梅姐共过患难：「当年梅姐喺复出演唱会彩排上曾堕台擦伤，加上机关又多次故障，令佢好upset，直至完成头场，佢喺升降台下降同我有眼神交流，见佢感动得眼角有滴泪。」Anthony再爆梅姐有搞笑歪理：「佢成日教我做大牌唔好准时，试过约佢录音，等完佢食晚饭，之后又话肚痛，等咗一晚唔见咗人。佢仲教我『唔识跳舞喺台上就唔好郁，边个话唱快歌一定要跳舞啫？』」另外，他跟忆莲有保持联络，指对方最爱听外国地下乐队，十分前卫，希望她快点返港开骚。