独家丨张伟文被指坐轮椅唱歌「惨不忍睹」 全城齐估声大大女歌手方俊有暗示

2022-09-09 09:00

肥妈张相好正。
肥妈张相好正。

69岁「靓声王」张伟文(Donald)即使中咗新冠肺炎,仍然卖命完成3场《友情有义演唱会》。不过,对于Donald坐住轮椅仍然开Show,反应两极,《星岛头条》日前就独家报道有位好有「份量」,又声大大嘅女歌星发表个人感想,「佢身体咁差仲要推佢出嚟赚钱,要佢坐住轮椅唱歌系惨不忍睹嘅事。」搞到呢位自强不息,残而不废嘅老人家非常嬲猪,咬牙切齿激动反驳:「我梗系嬲啦,我剩番碗饭,碗饭对我嚟讲好宝贵,得一、两份收入都唔放过我?我点样做系我嘅事,我锺意唱歌,锺意唱到老呀。」

唔好嬲啦。
唔好嬲啦。
张伟文喺特制豪华轮椅上,跟方俊及姚炜合唱。
张伟文喺特制豪华轮椅上,跟方俊及姚炜合唱。
张伟文每场演唱会都感动到喊。
张伟文每场演唱会都感动到喊。
肥妈和黑妹姐第一场嚟咗后台探班。
肥妈和黑妹姐第一场嚟咗后台探班。
张伟文和经理人方俊关系比父子更好。
张伟文和经理人方俊关系比父子更好。
方俊及方丽盈好照顾张伟文。
方俊及方丽盈好照顾张伟文。
有歌唱嘅张伟文回复精灵。
有歌唱嘅张伟文回复精灵。
元朗演唱会上座无虚设。
元朗演唱会上座无虚设。

留言区掀骂战
报道一出即成各大讨论区热烈探讨嘅话题,好多网民为张伟文打气,叫他加油,又大赞经理人方俊有情有义。都话网民讲嘢从来唔使负责任,有网民指张伟文「玻璃心」,又留言:「其实一个失去自主能力嘅人,已经唔系属于正常嘅人士,难听讲,到时出意外…」、「一个连自己都照顾唔到自己嘅人,仲要咁样献丑…」、「我觉得佢转牛角尖。」、「曲解人哋意思啫,人哋不是幸灾乐祸,只系觉得惨。」、「言者无心听者有意。」等等,马上被有同理心网民驳斥:「如果有一日你病到要坐轮椅返工,我同同事讲,真系惨不忍睹,你会点?」、「本人觉得惨不忍睹四个字,绝对是用词不当」、「我觉得佢唔要人同情,系要人支持。」、「冇口德人下场一定更惨。」、「搵食啫畀条生路行吓!」、「人哋坐轮椅要佢养?把口咁臭嘅?」甚至有网民话:「我反而觉得𠵱家企喺度唱歌嘅,大部份至系惨不忍睹!」


网民揪出「真凶」
另外,全城网民齐估谁是声大大女歌手 ,誓要揪出「真凶」,嫌疑人物包括肥妈、甄妮、杜丽莎、郑欣宜,甚至九唔搭八猜测喺新加坡定居嘅朱咪咪、冇关连嘅薛家燕、谢安琪、何韵诗及邓丽欣。留言区充斥问号:「系咪肥妈?」、「应该唔系肥妈,佢同黑妹都一齐去撑场,我估系朱咪咪!」、「欣宜更有份量啦!」、「欣宜唔会系呢啲人,应该系老一辈嗰啲!」、「杜丽莎甄妮最可疑。」食花生指数相当高。
《星岛头条》即搵经理人方俊问两句,眼见咁多有「份量」女歌手被拖累成嫌疑人物,他非常唔好意思:「如果事件影响到欣宜、家燕姐、甄妮、杜丽莎等感到非常抱歉…」记者发觉方俊冇提到肥妈个名,唔通讲漏咗!?

嫌疑一号肥妈。
嫌疑一号肥妈。
嫌疑二号甄妮。  ​
嫌疑二号甄妮。 ​
嫌疑三号杜丽莎。 ​  ​
嫌疑三号杜丽莎。 ​ ​
嫌疑四号欣宜。 ​  ​
嫌疑四号欣宜。 ​ ​

方俊又表示:「我相信每个人想法唔同,嗰个系女歌手主观嘅睇法,而伟文亦冇因为坐轮椅唱歌而觉得自卑,更唔需要用惨不忍睹嚟形容佢,佢积极面对人生,自食其力唱歌赚生活费,有咩问题?呢种不屈不挠嘅精神系值得敬佩。」他更强调张伟文唔系女歌星想像咁可怜,他反而热爱唱歌,有歌唱生活有寄托。提到张伟文目前身体状况,方俊指他虽然要靠轮椅出入,而且仲有脑退化,记忆力冇咁好,但唱歌技能已经入咗心:「呢样嘢难唔到佢,若有机会,我一定帮佢安排演出。」

识睇梗系睇留言,网民大赞张伟文经理人方俊。
识睇梗系睇留言,网民大赞张伟文经理人方俊。
方俊用心照顾张伟文,有情有义。
方俊用心照顾张伟文,有情有义。
张伟文演唱会有方俊及顔联武撑场。
张伟文演唱会有方俊及顔联武撑场。
中招康复后出院嘅Donald一度呆呆滞滞。
中招康复后出院嘅Donald一度呆呆滞滞。
方俊经常为张伟文祈福,出钱又出力。
方俊经常为张伟文祈福,出钱又出力。
5年前有腰患要坐轮椅的张伟文唔想做废佬。
5年前有腰患要坐轮椅的张伟文唔想做废佬。

TEXT:星岛头条娱乐组

《星岛头条》APP经已推出最新版本,请立即更新,浏览更精彩内容:https://bit.ly/3yLrgYZ

 

 

 

關鍵字

最新回应

關鍵字

相關新聞

热门文章

You are currently at: std.stheadline.com
Skip This Ads
close ad
close ad