独家丨尹光曾堕台跌断手叶振棠险跌落窿舞台危机四伏重提遇险经历

2022-08-31 06:57

环星娱乐成立20周年，老板张国林指疫情下更需要娱乐，之后叶振棠、尹光、方伊琪及莫旭秋等会陆续开Show，也答应经理人方俊为张伟文申请红馆个唱。就MIRROR红馆演唱会严重事故，曾于38年前在新加坡演出期间堕台，导致左手手肘断骨的尹光感受良多：「对MIRROR嚟讲系非常大打击！」而弱视嘅棠哥自爆喺《辉黄2000演唱会》中几乎叉错脚出事，上台表演原来充满危机。采访：方骞平

尹光及叶振棠讲起曾遇舞台意外都仍然惊惊。

环星老板张国林答应经理人方俊为张伟文申请红馆个唱。

因为意外事故，MIRROR要休团两个月。

日前，环星娱乐老板张国林率「一哥」尹光、叶振棠、Joe Junior、张伟文、方俊、「黑妹」李丽霞、黄翊、方伊琪及莫旭秋等共20位艺人，为《星级靓声演唱厅》20周年特辑做直播，每人送上一首歌来贺寿。原来棠哥于环星娱乐成立前经已同张国林合作，而尹光亦跟咗老板17年，张国林对尹光呢位老臣子信心十足：「佢可以再签多十年畀我，就算老到冇牙都可以继续唱。」

张伟文(前左一)、叶振棠(前右一)、张国林(后左一起)、方俊、尹光、方伊琪、莫旭秋对音乐好有热诚。

当晚黑妹姐(李丽霞)都撑场做直播。

张伟文直播时状态大勇。

尹光曾遇两次舞台意外
72岁尹光坚持只要一日保持到靓声，都永不言休，提到MIRROR的红馆Show严重事故后，12子休团两个月来调整身心及疏理情绪，尹光明白到舞台演出有一定风险，他同样中伏两次：「09年嘅红馆个唱唔记得走位，企喺个升降台位继续讲嘢，直至升降台开始降落，我就马上跳返上去，嗰次及时执生冇乜问题，最大件事反而喺1984年为新加坡一个贺年节目演出，原先一连做12日，点知第5日出事。」

尹光愈唱愈起劲，唔打算退休。

尹光忆述意外时仍觉惊惊：「因为现场反应太热烈，又唔知咁先进，大会用紧有伸缩性嘅电动楼梯，加上啱啱有激光射住，我就好兴奋咁行埋去铺咗红布嘅楼梯位置，岂料当时楼梯经已收返入去，我成个人踏空堕地，即被人抱返入后台再送往医院，嗰时虽然得40几岁，但都跌散咗，留院10几日，仲要坐轮椅返港，一年后喺香港再开刀拆镙丝，真系好大件事，不过，因为同老板关系好好唔使赔偿。」

09年尹光红馆个唱，因为顾住讲嘢走错位而发生小意外。

在新加坡堕台跌断手，好返后只手掂唔到膊头。

谂起压伤舞蹈员好伤心
至于叶振棠喺《辉黄2000演唱会》中因为被激光射住睇唔清楚行到去边，只差两步就变成林子祥跌落窿大事件：「嗰次真系好危险呀！好彩耳机及时提醒叫我停步。」疫情下已停工两年，棠哥坦言𠵱家要追返啲收入：「舞台危机四伏都冇乜办法，唯有小心啲，开场前睇清楚啲机关系边。」尹光就收起搞笑，严肃地说：「意外冇人想，见压伤舞蹈员个个都好伤心，人命嚟！」张国林话：「最惨见到MIRROR就联想到意外情景，希望大家可以尽快淡忘！」