岑珈其𠱁老婆出镜费尽唇舌 忧一岁半囝囝食得少唔够营养

岑珈其、余思敏、森美及陈宇琛等今日出席「第6届国际儿童电影节KIFF开幕礼」，珈其在活动上指虽然儿子现只得一岁半，但已开始要担心囝囝的将来：「养儿100岁长忧99，乜都担心，但最担心就系佢健康，因为佢食好少嘢，又要担心食得唔够、营养唔够。」

身为「试当真」成员的珈其，其拍摄的短片《极速珈其》近日播出，珈其太太桂玫更在片尾中亮相，搞到一众网民随即指他在放闪，珈其解释这是应导演要求：「我话唔好啦，佢又唔系演员，但导演话唔得，要你太太做呢条片先至成立。」他指拍摄前游说了好几天，太太才答应出镜：「佢话唔好啦，我又唔系演员，我话『你放心，唔使讲对白。』佢应承咗，然后畀个剧本佢睇，跟住佢就闹我『又话冇对白，我要讲嘢嘅！』但成个过程好开心。」

 

岑珈其早前奉旨放闪。

𠱁咗好耐，靓老婆终于肯出镜。

岑珈其话囝囝食好少嘢，好担心佢健康。

陈宇琛同太太将荣升做父母。

 

珈其指太太事前最担心的是，因她不是专业演员，自己的演出会影响作品，故他向太太指只要她出现，相信观众都会开心，对于被网民指放闪，他说：「系呀，自肥放闪！难得工作可以𠱁得太太开心，我自己都开心。」不过珈其指之后不会刻意再找太太出镜，因为对方比较怕丑。

另外，为开幕礼担任司仪的余思敏，被问到暑假会否抽多点时间照顾仔女，她指暑假期间已排满工作，但亦会适当安排时间，问到会唔会叫老公郑中基帮忙照顾小孩，她说：「唔使叫嘅，自动自觉，佢一有时间都会陪住佢哋。」

 

余思敏指暑假期间已排满工作。

同场仲有森美出席活动。

 

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ