黄剑文39岁生日丧唱满足Fans 关心MIRROR骚伤者：畀啲空间佢哋

黄剑文昨日（5日）39岁生日，他日前与粉丝举行派对时，唱足全晚满足Fans要求，更邀请新歌《人间飘浮》编曲人KTSANG 钢琴伴奏。笑言每年生日都与Fans度过的他，今年邀得罗沛淇、陈安立及刘智卫等出席，林希灵更带自制「醉爱黄剑文」灯牌到场。黄剑文的家人也有现身，令他感惊喜说：「起初我都系问吓佢哋嚟唔嚟，点知佢哋一口答应，有屋企人陪住过生日一定特别开心。（有冇被长辈催婚？）我家族好大，佢哋已经好多『孙仔』要见面，所以唔会逼我，反而畀我自由咁追梦。」

 

黄剑文唱足十多首歌报答歌迷，犹如小型音乐会。

黄剑文生日过得好开心。

黄剑文的家人拉队到场。

 

半百粉丝出席派对，黄剑文收到Fans送上结他作为礼物，令他吓一跳。之后要到美国工作，他扬言会「速去速回」，不会趁机旅游：「因为家中猫猫都病晒，所以都唔想去，但人哋邀请咗几次唔去唔得，所以靠经理人帮手日日喂猫，我叫佢不时拍片、视像通话，我应承咗啲猫猫，一做完嘢就返嚟陪佢哋，所以唔会考虑玩多几日。」

对于早前红馆所发生的意外，黄剑文坦言担心伤者情况，但他认为纯粹个别事件：「因为香港整体表演场地都系安全嘅，所以再去表演都唔会太担心。呢刻大家畀多啲空间伤者同家人，亦畀啲时间MIRROR成员消化成件事，畀啲空间佢哋。」

 

圈中好友不但到场，更举起自制「醉爱黄剑文」灯牌支持。

黄剑文对MIRROR演唱会发生意外，坦言担心伤者情况。

阿Mo（右）在MIRROR演唱会上受伤，获不少圈中人关心。

 

星岛新闻集团庆回归25周年专题网站，请即浏览

立即下载 | 全新《星岛头条》APP : https://bit.ly/3yLrgYZ