邓兆尊见识ViuTV内部沟通混乱出粮拖数又遭某台无理要求派利是摆几围

2022-08-05 23:00

曾志豪及贵花田担任主持的网上频道「田祖豪3宝」，昨日（4日）找来邓兆尊亮相，三人大谈电视台的秘闻，不少网民向兆尊提出「娱乐圈Q&A」问题，他除自爆当日入TVB倾约的价钱外，更大爆在其他电视台见过的「无语事件」，当中提到ViuTV沟通混乱，内部管理不及TVB好。

邓兆尊上曾志豪及贵花田担任主持嘅网上频道，大谈娱圈秘闻。

TVB出身的兆尊，近年回复自由身后，穿梭ViuTV、香港开电视等台的节目做嘉宾。曾志豪就提到电视台赚到尽问题，兆尊先讲返TVB拍摄情况：「大台始终几唔好都好，内部管理好好，我之前返TVB拍修哥（胡枫）大寿个节目，5、6部摄影机一齐拍，啲嘢好快。」不过到他去另一个台开工，就有所比较：「另一个台我去拍嘢，导演同收音师讲，『个咪唔系好得，换过佢』，点知个收音师话『咁我入仓攞』，个导演就话咁唔使喇。仲有佢哋约你几点，例如约我6点去到，点知一去到就话大家放饭，我坐咗两个钟头等佢放饭，冇所谓，但佢内部沟通好有问题，管理层要做吓嘢。」贵花田闻言大感惊讶。

兆尊续说：「呢个算小事，以我过往经验，做完嘢就会畀单你签就出粮，我去某一个台，我唔讲边间喇，佢问我拎invoice，佢话要再递上会计部，30至60日就会畀钱我，我从未见过。我去拍系因为帮朋友，啲钱少到出一出街都用完，只系希望佢做好啲，唔好令人觉得委屈。」他表示最后拖足40日才出粮。

邓兆尊（左）参与不少ViuTV节目。

邓兆尊（右二）早前为ViuTV节目《拆你个梦》担任嘉宾。

之后兆尊再分享一宗令人惊讶的事件：「我讲一个好好笑嘅真实故事，过年有一个台搵我，我哋想搵你新年带欢乐畀大家，叫我突击去几间食肆派利是畀啲食客，我OK唔系问题，『不过利是系你（我）出』，仲要系请埋嗰啲人食饭，当开工饭喎，三围到啦！」兆尊最终回覆话想嗌埋记者采访，他说：「冇问题嘅，我叫埋记者嚟，你唔介意呀嘛？你个台做啲嘢咁先进，应该畀其他台仿效吓。」拍摄最后不了了之。曾志豪笑问「无言感激」利是对比起已算不错，兆尊也有同感。