独家丨余香凝自爆爱老公怕丑仔性格同岑珈其新戏演最萌身高差

2022-08-05 07:00

Jennifer和珈其除了想合作拍戏，仲想做综艺节目，最希望一齐拍旅游及饮食节目。

余香凝（Jennifer）和岑珈其继电影《非同凡响》、剧集《地产仔》后，第三度在电影《缘路山旮旯》中合作，戏中两人演绎最萌身高差的情侣。现实中两人都未试过这种身高差恋情，但Jennifer又自爆爱男主角这类怕丑男，因老公正是这类男人。他们又话合作3次未够喉，好想有下次，仲讲笑话最好做埋亲家。采访：杜杜摄影：沈健程　发型：@nickienickhair@orient4(珈其)、Ken Hui @Artify lab　化妆：Carmen Chung@carmencmakeup_cc(珈其)、Lavinia Tang 服装：STORY MFG from HBX@storymfg @hbxhk(珈其)、MAX&Co　场地：HYC Bar＆Lounge

身高174cm的Jennifer，以往拣对象不介意对方高度，性格最重要。

珈其坦承也曾为身高自卑，所以身材高的女仔，根本不敢追。

2018年Jennifer跟珈其合作完《非同凡响》后，成为无所不谈的交心朋友，一直好想搵机会再合作，在《地产仔》对手戏不多，他们曾想过主动出击，「我哋成日讲如果可以做爱情戏就好，甚至乎谂过自己度个故事出嚟sell畀人，等人哋拍我哋。」今次终于有机会合作，仲要有感情戏，两人都好开心。

怀住身孕拍摄的Jennifer，笑指戏中企在珈其身边似个巨人。

Jennifer陀住B拍咀戏感觉很怪，认为似隔住个人，「cut机我即刻同BB讲呢个唔系爸爸嚟。

有望做埋亲家

Jennifer跟珈其高度相差10cm，戏中两人亦演有身高差情侣，不过现实中两人未试过跟这类对象拍拖，珈其承认跟角色一样确有自卑感存在，「最尽都系对方一样咁高，始终会有少少自卑，出嚟会唔会唔好睇？最大问题系根本唔敢去追高过自己嘅女仔，预人哋一定唔会接受，点会锺意拖住个小朋友，自己都落咗闸先。」虽然Jennifer未试过同这类外形的男仔拍拖，但戏中男主角「阿厚」性格确实是她喜欢类型，「我系锺意好似『阿厚』性格嘅人，唔系好讲嘢，怕怕丑丑咁，我可以撩开佢，到佢对住我有第二种性格出嚟，令到佢笑我会好开心罗！（你老公系咁性格？）系呀！哈哈！」