独家丨王智骞为演出丧食狂操肌同《I SWIM》角色完全相反

2022-07-15 08:00

有「翻版柯震东」之称的王智骞（Martin），最近在ViuTV青春剧《I SWIM》饰演「学霸」游泳队成员「程子帆」，他坦承同角色刚刚相反，所以为了演好角色，他除了要努力学游水外，本身瘦底食嘢不多的他，更要疯狂丧食极速增10kg，希望演出时更神似。采访：杜杜摄影：沈健程发型：AL Leung@The attic 服装：Sandro

由细到大属过敏体质的Martin，饮食都要戒口，有壳海产及冇鳞鱼都不能食。

讲到同「阿帆」相似度，Martin坦言「学霸」同运动健将两方面都唔似，更笑指如果似角色有个人会好开心，「我中学成绩一般，如果好似角色咁，我阿妈应该会几开心。课馀活动都唔似，我中学有修Art，嗰时一放学就留喺Art　Room度画画。而性格同自己都唔似，我本身系比较跳脱，突然间会做啲大家意想唔到嘅嘢，比较古灵精怪。」唯一多老友这方面跟「阿帆」算最似，「我读书时都颇多朋友，角色同同学相处都似我当年读书。」

剧中演「学霸」「程子帆」的Martin，拍摄时要背不少硬资料有一定难度。

Martin跟其他对手相处融洽，好似返回读书时代。

带住药拍游水戏

Martin在剧中是游泳队成员，但现实游水却麻麻，所以接拍后要努力苦练，「基本上由零开始，起步跳水系好难，剧组喺我哋训练时，都会拍啲片畀我哋睇，后尾睇返自己第一次跳水都几搞笑，好似手脚唔协调咁。」幸好到开机前总算成功，不过长期在水中拍摄，Martin竟然要带住药傍身，「我系过敏体质，我唔可以长时间喺游泳池水度，个身会出现一挞挞，要即刻搽药膏同食药。」

因为容易过敏关系，本身Martin少游水，因为连海水有时都会过敏。

除了练水，Martin亦要为角色狂操肌，「我本身有做gym习惯，但本身比较瘦，我反而系谂点样去谷大只啲，本身都冇谂过自己系太奀，但系训练时拍埋Stanley嗰啲度，对比实在太大，自己都接受唔到。」结果他狂运动之馀，亦要疯狂丧食来增磅，「我本身好惊食肥腻嘢，又唔系好食肉嘅人，但系我都迫自己，乜都要食，拍之前我系得50kg左右，拍嗰时有成62、63kg，𠵱家回落返少少，有刻意keep落去，因为会拍电影版，以免到时又要咁辛苦谷上去。」