独家丨导演冯志强率先剧透电影版内容　《I SWIM》剧集冇结局原班人马戏院见

2022-07-11 07:00

曾拍摄电影《大乐师·为爱配乐》的导演冯志强为ViuTV执导10集青春剧《I SWIM》，据知拍摄电视版只为电影版铺路，冯导向《星岛头条》透露故事将由电视延伸到电影，大结局要到电影版才交待。导演讲明会尽快开拍电影版，当然由原班人马参与演出，唔怕剧透的冯导还首度公开电影版内容。采访：杜杜摄影：沈健程　场地：The AIR (The ONE)

故事以冯导经历为蓝本，他中二至中七都是学校泳队成员，亦有去海滩做过救生员。

冯导拍摄每场游水戏，都会亲身陪团队一齐落水。

冯导未入行已想拍《I SWIM》，年前写成小说在网上连载，之后终遇上跟ViuTV合作机会，将故事改编成剧本，因小说版早已公开不怕剧透外，他还有另一睇法，「我系制造紧一个游乐场，大家都知道摩天轮同过山车系点，但坐完都会再坐，我希望呢套戏可以带到呢个力量畀观众，即使知道晒过程，仍然好希望同呢班人一齐冲一齐闯，隔5年依然会攞出嚟睇，呢个系我嘅理想。」

剧集版《I SWIM》，故事背景主要围绕 A班同C班在游泳比赛的较量。

由于借场拍游水戏有一定难度，冯导坦言要苦了演员冬天捱住冻落水拍。

开头只谂住拍5集

剧集只有10集，以港剧来讲相当短，因冯导最初只想拍电影，他坦承跟ViuTV洽谈时，整个计划是由电视剧拍到电影，「10集对我嚟讲好长，好似拍咗5部电影，我初初谂住拍5集算，或者净系拍电影𠻹！本身个剧本系咁样安排，结局喺个电影度。」冯导希望尽快开拍电影版，而且会尽量安排原班人马演出，「演员年纪会大，当然电影版系讲大学嘅故事。」

冯导为剧集还制作了全纪录集，以相片纪录整个制作过程。

电影版会延续电视版故事，冯导还公开内容，「剧集第7集，A班（Stanley做队长）同C班（Edan做队长）已夹埋一齐，Stanley组成一队校队，去对抗 Angela（袁澧林）嗰间名校，仲喺对方80周年校庆时击败咗佢哋，令对方好冇面，就搵Ansonbean同朱鉴然过嚟复仇，故事发展系嗰边愈嚟愈多高手出嚟同佢哋对垒，但当时Edan同Jeffrey（魏浚笙）已经反咗面，Ansonbean挑战佢哋，令到佢哋要合力对抗，而Stanley高水平畀人拔尖，毕咗业去外国集训。」

电影版的《I SWIM》，主要讲Ansonbean同朱鉴然向Jeffrey和Edan等人下战书。

冯导指水底拍摄，成为该剧拍摄最高难度部份。

赞Jeffrey有天份

冯导大赞孭飞的Jeffrey（魏浚笙）及Edan（吕爵安）表现出色，特别是首次演绎重要角色的前者，令他相当惊喜，「大家有个错觉及传统观念，靓仔啲戏就唔得，我喺导演会开会嘅时候，全场导演轮住问我，佢哋知道有呢个人，问我佢啲戏得唔得，我话好到不得了。我初初都担心，因为佢第一次咁重戏，完全喜出望外，佢好有天份，真系冇拣错，搵到Jeffrey等如《狂舞派》搵到颜卓灵一样。」

冯导认为Jeffrey和Edan，都是有潜质的新一代演员。

至于获前辈大赞的Edan ，冯导亦觉得他是可造之材，「佢好聪明，你一讲佢都明，好记得casting个场戏，佢系队长同大家开会，佢太有礼貌，每个人讲嘢佢都畀反应，我同佢讲你作为队长，听到真系需要畀反应你先至畀，自然个队长气质出咗嚟，同佢讲佢会明，之后就做到个领袖感觉出嚟，大家冇见过佢呢一面。同埋佢记忆力好好，一日咁多场对白都记得晒，我写都唔记得晒，哈哈！」

Stanley和Alton在试镜时的突出表现，令冯导无法不选他们。

另外两位MIRROR成员Stanley（邱士缙）和Alton（王智德）同样踏入3字头，依然获拣中演中学生，冯导就解释：「睇完第2集就会明白点解要搵佢哋两个，冇人会再问呢个问题，其实佢哋唔系负责校园嗰part，系运动员嗰part。」他又赞两人在试镜时表演出色，而Stanley更加是最早定案的人选，「我哋攞一场戏试，佢第一take系完全错晒，但系我讲咗个问题喺边度，佢去到第二take完全变成另一个人，咁我知道佢系一个演员。」而冯导就觉得Alton胜在有感染力，是该剧必需人脚。