独家丨吴海昕被感染即回春拍《I SWIM》同小鲜肉玩到癫

2022-07-08 09:00

吴海昕（Sofiee）继《教束》后，最近在ViuTV新剧《I SWIM》再做老师，演的「Miss翁」是中学男校班主任，还负责带领学校泳队四处出战。对住一班仔仔，Sofiee剧内好恶好硬净，但私底下男仔头的她，跟小鲜肉玩到癫，32岁的她亦坦承受他们感染而回春。采访：杜杜摄影：沈健程　形象：PIPA Creative发型：Zap Tang @toniandguyhk.official　化妆：Onki Lau　服装：Valentino

在Sofiee设计下「Miss翁」讲嘢好快，但剧中有好多资料性对白有一定难度。

跟一班小鲜肉合作，令Sofiee回春兼过了个愉快暑假。

为了管好一班男学生，「Miss翁」要好恶好强势，不过私底下的Sofiee却被一班男拍档当作男人相处，仲搞到她一度被导演冯志强训话，「佢哋做中学生，镜头前后都系打打闹闹，又拗手瓜，做好多小学鸡嘅嘢，搞到我有时贪玩因子出咗嚟，导演成日叫我唔好玩得咁癫，因为我系老师，唔可以好似学生咁放纵自己，佢训话完我就会收埋自己啲贪玩，roll完机先至同佢哋一齐癫罗！」

剧中有跌落水戏，令Sofiee也跟队学埋游水，以策安全。

Sofiee眼中，无论台型及泳姿都最有睇头就是Stanley。

自认努力型演员

第一次跟接近全男班开工，Sofiee坦承拍过特别开心，过了一个开心暑假，「全部都系小鲜肉，自己都回春咗，我讲紧个心境，见到佢哋为个剧付出咗好多，有个剧令到佢哋咁有动力花咗两、三礼拜去学游水，我都有份学，讲我系浸亲，我真系本色演出，因为我唔识得游水，导演觉得太危险畀我学埋游水，上年个暑假大家一齐过咗三、四个月好开心，嗰种火真系好少见。」

Sofiee自言没有做演员天份，全靠后天努力。

这套青春偶像剧背后，探讨努力与天赋的课题，而Sofiee自言本身没太多才华，当演员绝对靠努力多于天份，「由细到大我模仿能力最强，甚至我大学时写论文，我参考完人哋嘅论文变成自己嘅嘢，仲令到件事变得更加好，呢样嘢系我嘅才华，我将呢个才华努力变成𠵱家嘅职业，但我系努力嘅演员，因为真系有太多天才级嘅演员，张曼玉呢啲行出嚟唔使讲嘢，对眼就识讲嘢，但系我嘅努力，可以令到好多人觉得我好有诚意，畀我嘅努力触动到。」