森美儿子有眼光睇好美股暴升后发现妈咪冇入市劲失望

2022-06-11 23:30

森美今日在屯门出席活动，表示有留意NFT市场，笑言推产品时会降价令Fans不用捱炒价：「出写真相都好啊，因为胸肌又出两张、『老鼠仔』又出几张、股肌都出两张，但系咁就变咗卖肉，咁就唔适合我，除非我啲肌肉咁有艺术性我就唔介意罗！」森美笑言仔仔比自己更有眼光，想用私己钱买美股来赚零用：「早排佢有笔钱，叫妈咪帮佢买美股，点知老婆都唔知咩嚟冇帮佢入市！几个月后真系升咗成倍，亚仔当时先知冇买！搞到好似中咗六合彩但冇买到咁，真系几咁尴尬。」

森美笑言如推NFT会自动降价，令Fans不用捱炒价。

阿仔虽然有眼光睇中美股会升，但老婆竟然冇入市。

大家都知道森美女儿好锺意MIRROR，森美表示自己冇演唱会飞，开始向同事「埋手」：「呢啲系考验你江湖地位嘅时候，好明显我就冇啦！我唔敢打扰MIRROR，有时见到佢哋，MIRROR成员啲眼神都闪走咗，你就知佢哋都冇飞。我有问小仪有冇，佢大大声话冇，可能得阿正有飞，我都同佢讲，咁多年嚟我待佢都不薄，闹得佢最少，所以有飞就识做啦！」而近日忙于录影《声梦》的森美就大赞参加者有质素，直言个个都想留低，发掘更多有才华的歌手。