森美禁足「柴房」做运动抗疫拍片呃like惊见小肚腩

2022-03-08 11:00

本港第5波新冠疫情严峻，商台亦先后有多名员工及DJ确诊，最新有DJ梁文礼「中招」。由于森美有朋友确诊，为家人健康著想，森美近日留在家中开咪做电台节目，并透露自行禁足喺「柴房」生活，进行家居隔离。

森美有朋友确诊，所以他独留家中书房隔离。

喺「柴房」砌玩具车打发时间。

除凸点仲肚腩现形喇！

要再加油！

继日前隔离喺房内砌模型车自娱后，昨日森美又贴出一条做运动嘅短片，片中见他满脸须根，穿上贴身运动衣，做动作期间不经意凸点及呈现咗小肚腩，他自问自答写道：「有人问我每日做咩运动（其实冇人问），不如同大家分享下 ( 其实分享唔到），好啦我拍低畀你睇啦（冇咩好睇啦），就知辛苦啦（30分钟咋喎），毅力系成功嘅关键（又谈唔上），好去片（快D like 完就算） #柴房健身 #真正健心 #hiit」不少网民都纷纷留言笑指: 「士啤肽（胎）出晒嚟呀大哥」﹑「森美大哥有小肚腩」、「大哥你长咗肉」。