叶巧琳与Serrini歌声神奇地夹邀「王子」Freddy陪唱圆公主梦

2022-06-12 01:30

叶巧琳（Mischa）最近将其网上频道化身成音乐剧舞台，邀请Serrini和著名音乐家 Freddy Au Yeung （欧阳丰彦）分别合作。Mischa形容 Serrini是她的「另一半」，因为她们在去年公演的音乐剧《挛挛成人礼》中，饰演一对女同志恋人，Mischa谓：「我觉得我同佢把声系神奇地夹，套剧演出后，听到好多feedback 都系好嘅，我觉得同佢之间嘅化学反应几奇妙，所以今次搵佢，好开心亦好好彩佢好快就答应。」

Mischa 特地选唱首套将同性恋搬上百老滙舞台的摇滚音乐剧《吉屋出租》（Rent）的《Take Me or Leave Me》来翻唱，她解释：「因为我想有首女女合唱歌，首歌本身已经系好似一对情侣喺度嗌紧交咁，我觉得今次好似延续返我哋《挛挛成人礼》嗰段关系，希望大家都会喜欢呢首歌。因为我哋平日唱好多广东歌，今次试吓唱英文嘅音乐剧嘅cover，想大家听下有咩感觉，喺睇我哋嘅另一面之馀，又可以睇埋我哋会产生啲咩火花。」

叶巧琳喺自己嘅YouTube Channel 推出音乐剧系列。

叶巧琳同Serrini曾经喺音乐剧《挛挛成人礼》中，饰演一对女同志恋人。

这边厢延续挛情，那边厢的Mischa 又赶着追另一梦… 很多女孩都会发的公主梦，近日她终于以自己最爱的音乐，如愿「做公主」！Mischa邀得「把声系非常之王子」的Freddy 合作，合唱迪士尼动画《长发公主》（Tangled）的《I see the light》，Mischa 坦言希望添食：「多谢 Freddy 陪我玩，佢系一个非常之好玩嘅一个人，我同佢都几好倾，希望之后再有music cover 的话，可以再同佢合作！」