关心妍邀20年前绯闻男友做嘉宾萧正楠赞冇变过

2022-06-05 11:00

关心妍（Jade）一连两场的《关心妍 Jade Kwan 约20周年演唱会》昨晚（4日）于红馆开锣，除老公杨长智及囡囡心心外，一众圈中人罗杰承、蔡一智、蔡一杰、施南生、谭嘉仪等等亦有到场支持，而后台亦布满花篮为Jade打气。

晚上8时20分左右，Jade身穿银色闪裙现身，两侧高衩大骚美腿艳压全场，苦候多年的歌迷用热烈的掌声支持偶像，见到Fans的热情，她也忍不住眼湿湿。Jade一口气唱出多首金曲，包括《负担不起》、《庞背21世纪》、《优先订座》等等，她台上表示极速筹备今次个唱充满挑战，但仍以最佳状态完成与歌迷的约会：「今次演唱会主题叫做『约』，『约』系一个信念，一份坚持，一个盼望。好耐以前上帝用彩虹与人立约。我哋世界好纷乱但我哋要有盼望，抬头望天空就知道上帝睇住我哋，就算几大雨都好，雨后一定会有阳光。虽然呢个演唱会好急，好惊心动魄，但系我带住一份Mission，一份坚持同信念，希望今日每一个你都有一个愉快嘅晚上。我特别珍惜呢次演唱会，虽然呢次演唱会比我之前任何一个演唱会都艰难，但今日见到你哋每一个我觉得好值得。」

Jade身穿银色闪裙现身，两侧高衩大骚美腿艳压全场。

Jade重著二十年前「战衣」亦勾起Fans回忆。

自弹自唱。

表现音乐才华。

今次Jade状态十足，除了献唱金曲外，更骚她的音乐才华，一时自弹自唱钢琴，更从台顶吊下色士风演奏。而囡囡心心亦担任个歌嘉宾，母女档合唱《SMILE》令乐迷非常兴奋。不过当囡囡心心上台打筋抖时，Jade就显得紧张：「我多谢天父带咗呢位小天使比我，杨荣心我等咗你好耐啦！听讲你想喺红馆打筋斗，今日终于愿望成真啦？你使唔使拉吓筋先？得唔得㗎？」

这晚Jade一共演绎近30首歌，当唱出歌迷点唱的「Side Track」时，歌迷和唱气氛非常热闹，她亦不时换衫，穿上一条全人手刺绣蓝天白云图案的高级订造服，每条长裙价值6位数！当Jade「重著」二十年前「战衣」亦勾起Fans回忆，而她穿上数米高的长裙，吊至舞台的高空，歌迷都肉紧大叫「小心啲啊」！当Jade演唱《原谅的力量》时，她多谢妈妈的养育之恩，亦罕有谈及对爸爸的感觉：「旧时我都好嬲佢，点解要走咗去，但后来我都放低咗去见翻佢，但系好快佢就离开咗。我唔知佢有冇睇过我嘅演唱会，因为我冇邀请过佢，但今晚我想送呢首歌畀佢听。」

Jade一共演绎近30首歌。

囡囡心心上台表演打筋斗。

Jade多谢妈妈嘅养育之恩，亦罕有谈及对爸爸嘅感觉。

Jafe话极速筹备今次个唱，充满挑战。

头场演唱会邀请曾传绯闻的萧正楠做嘉宾，二人十多年未有同台演唱，当萧正楠现身时全场尖叫成为个唱高潮之一。二人刚出道时，曾经因为合唱《特别鸣谢》而传出绯闻，其后又传闹不和；多年过去，萧正楠与Jade都找到属于自己的幸福，昨晚二人在台上再唱《特别鸣谢》，萧正楠即想当年：「哗！真系好多年啦！好多年都冇唱呢首歌，好多朋友都喺K房唱呢首歌『炒车』，谂翻当年拍MV，发现Jade咁多年都冇变过，大家要畀多啲掌声Jade，真系眨吓眼原来过得咁快，多谢Jade邀请，畀我有机会再喺红馆度体验。」而Jade就话见到萧正楠即刻青春晒：「好多Fans都话叫我搵翻原唱出嚟，终于请到萧正楠嚟啦，大家开唔开心啊！」直到演唱会尾声演唱《关心...心妍》，Jade忍不住落泪，歌迷纷纷高呼「唔好喊啊！」