独家丨Luna获老公支持拍亲热戏：佢仲Open过我

去年ViuTV真人骚节目《赌命夫妻》引爆全城热话，拥41寸长腿兼好身材再加甜美靓样的26岁Luna（李月儿），更被封为「最索人妻」，节目后已决定向幕前发展，之前仲跟ERROR的肥仔和阿Dee再合作拍电视广告，Luna表示老公伍俊匡（阿匡）好支持佢投身幕前，老婆拍亲热戏都唔会介意，Luna笑言:「佢仲open过我！」采访：杜杜 摄影：沈健程 服装：American Eagle 场地：Lemon Drop Studio

 

样子甜美的Luna，想向幕前发展有晒条件啦！

 

168cm高只有51kg的Luna，身材fit爆，仲好有少女味。

 

Luna坦承拍完《赌命》后，更加不怕挑战不同类型节目。

 

节目播毕逾半年，Luna指生活已回归正常，连节目中被老公爆唔锺意冲凉，以及想她揸车接收工等，都没转变，「 哈哈！所有影响都系头半年，譬如头半年我都有揸车接佢放工，但之后就冇嘞！」节目播出后，好多观众传讯息问呢对夫妇有何相处之道。「我哋连呢啲话题都倾，相处模式都几好，细水长流咁，要记返呢个感觉。」

Luna跟阿匡结婚未够两年，暂时未有「造人」大计。

 

《赌命》中影写真环节，网民齐声赞好。

 

主动出击网上平台

Luna好开心拍广告重遇肥仔和Dee哥，因为拍《赌命》时冇乜机会合作，「同佢哋拍咗两日，因为有两个场景，铺头景要等铺头关咗门，夜晚11、12点先至开始拍，凌晨大家都好眼瞓，但系佢哋一嚟个气氛就炒热咗，同佢哋拍嘢好玩、超开心。」对于肥仔在广告中扮她，Luna笑指，「佢把声仲娇嗲过我，好满意呀！个剪接画面好搞笑。」

最近Luna跟肥仔和Dee哥合作拍广告，饰演索女角色。

 

日前Luna为ViuTV《MM730-娱论潮》做嘉宾，讨论真人骚节目。

一心想向幕前发展的Luna，因疫情影响工作机会减少，上戏剧班亦要暂停，连教瑜伽班都要转为单对单教授，唯有专心完成营养学学位课程，不过她已开始改变策略，主动出击发展网上平台，「可以做多啲主动角色，嚟紧会自己拍多啲片，𠵱家主要系拍一啲化妆或者整发型嘅片，呢个都系我兴趣，好锺意扮靓，之后可能会开频道，分享生活点滴，因节目后有好多观众催我哋拍呢啲片。」

 

节目中Luna跟出租男人陈安立拍拖玩埋搽油，事后阿匡都表现大方。

 

Luna话拍节目最大收获，就是认识到多对夫妻朋友。

暂时未计划生BB

Luna话老公好支持她向幕前发展，就算拍亲热戏都无问题，「我谂佢顶得顺嘅，佢仲open过我。真人骚一开头都系我要参加，我同佢都觉得有新鲜嘅事物唔试，可能会遗憾。」入行做艺人后私生活难免被公开，Luna同阿匡都有晒心理准备，「无论之后有任何资料公开，佢会喺我隔离。」

Luna被老公在节目爆唔锺意冲凉，她坦言不介意仲攞嚟讲笑。

 

未拍《赌命》前，Luna曾演出科幻网剧《异数者》，饰演「阿晓」。

讲到Luna和阿匡当初结婚，就是为了移民台湾，她表示仍在等待中，可能疫情令申请有滞后，有人提议她趁坐移民监顺道生埋BB，她就想多享受二人世界，「时间上听落好似几完美，但系真系生咗之后先系开始，所以未必系呢两年，我哋都系比较自由，觉得系时候有小朋友，到时再谂。」

正修读营养学的Luna，希望未来有机会结合瑜伽课程，打造一个新事业。

 

就算不用教学生，Luna每日都会keep住做瑜伽，保持身材。

 

更多新冠疫情资讯，请到以下专页浏览

按此 https://bit.ly/3JqiBzz

立即下载 | 全新《星岛头条》APP https://bit.ly/3yLrgYZ