独家丨娟姐投诉肥仔口花食佢「豆腐」演完罗太怕做真师奶

2022-04-07 07:00

娟姐（练美娟）最近在ViuTV剧《反起跑线联盟》首次演妈咪兼师奶「罗太」，跟绯闻男友肥仔（梁业）＠ERROR演一对，仲被剧组公认最有夫妻相。不过娟姐就投诉「老公」拍一场按摩戏时食她豆腐，大讲有味说话，而她演完极致的师奶后，更怕了做真阿太。

采访：杜杜

娟姐跟肥仔因七师傅一句话两人好夹，因而传出绯闻。

剧中肥仔和娟姐演夫妻罗生罗太，有个囝囝「有为」。

因七师傅一句戏言，令娟姐跟肥仔传出绯闻，她强调：「我同佢零交流喎！」但承认同肥仔合作几夹，「之前合作过做综艺有一定默契，所以再去演夫妻容易快啲入戏。」娟姐又指台前幕后都认为两人是剧中最有夫妻相的一对，「首先outlook啦！同埋我哋又真系熟络，就算唔系入紧戏，化紧妆或者食紧饭，都会你窒吓我，我又窒吓你，大家就会觉得『好欢喜冤家喎！』佢哋讲我哋又唔避忌！我哋会话『听日就结婚㗎嘞！』。」

娟姐跟「有为」似朋友相处，知他最怕被锡面珠，就用作令他合作方法。

这场按摩戏，娟姐投诉俾肥仔食豆腐。

罗太以妈咪做蓝本

不过跟肥仔老友鬼鬼的娟姐，竟然对这位「老公」有啲投诉，「佢食我豆腐呀！哈哈！嗰日拍我哋一家三口情景，需要我哋做一啲按摩，咁夫妻间按摩，你按吓我，我按吓你好平常，但要知道肥仔啲肉又厚喎！按唔到，佢又叫我『按上啲！按入啲！』，我作为女艺人或者女演员，有少少唔舒服罗！但系望吓大家咁熟，又唔同你计较啦！哈哈！」

娟姐呢个师奶样，又真系几赶客。

首次演师奶，仲未嫁的娟姐，唯有攞妈咪来做蓝本。

娟姐饰演无时无刻搵着数的罗师奶，她深感同自己想像中的太太生活完全相反，更怕了将来做阿太，「我谂我系Gigi或者家怡type嘅太太，总之唔会系罗太咁极致嘅师奶，佢同我理想中做咗人父母嘅家庭主妇生活系两样嘢，导演成日叫我着啲好奇怪服饰，或者做啲好奇怪举动，我好惊播返出嚟，自己唔敢睇返，同埋我唔敢叫妈咪睇，因为我个师奶蓝本系仿照我妈咪，哈哈！我惊佢睇完会嬲呀！」