Juicy叮｜婆婆带孙仔食米线庆生唔够钱 地盘工仗义付款获赞

社会无情，人间有情。日前有网民声称见到一宗好人好事，一名地盘工人伸出援手，帮助一名带孙仔食米线庆生日的婆婆，事后该网民将事件放上社交平台，引来一众网民热烈赞好。

有网民于facebook群组「香港米线关注组」发文，指昨日到深水埗食米线，期间见到一名老婆婆带同年约10岁的小朋友入内用餐。该名网民形容该名小朋友一入内已表示雀跃及开心，原来该名老婆婆带孙仔食米线庆祝生日。当时婆婆向职员落单，要求一碗净酸辣米线，惟职员表示「净米线我哋唔可以转汤底」。

网民指婆婆「个样就好愁」，然后向职员表示「唔该你呀，我孙仔好锺意食呢度嘅酸辣汤」，又指自己仅得20元，小声请求对方通融。期间附近一名地盘工人上前向职员表示「帮佢叫一碗过桥酸辣米线，我帮佢埋单」，然后离开。

该名网民大受感动，慨叹称：「喺好多人眼中一碗唾手可得嘅米线，突然变得咁奢侈，喺一间米线铺原来除咗食到酸味麻味辣味，仲食到苦涩味同人情味」。

帖文一出后，旋即引来大批网民赞好及分享，大赞地盘工人是暖男及真汉子，「估唔到呢啲好似几廿年前嘅情境会喺今日嘅香港睇到」、「社会无情 人间有爱」、「好多地盘哥哥都好好心地」、「仗义每多屠狗辈，古人嘅说话绝少有错！欣赏呢位暖男地盘哥哥」、「好有人情味」、「好多职安真汉子都铁汉柔情胜过黎明」。不过，亦有网民质疑帖文的真确性，但随即被一名网民留言回覆「总有人会唔相信故事嘅真实性而有所怀疑，但并唔代表唔会发生呢啲事！大家未遇过呢啲情景，唔该唔好立乱话作故仔」、「真假唔重要，大家以后遇到做多啲咪一样咁美好」。

来源:facebook群组「香港米线关注组」

更多新冠疫情资讯请到以下专页浏览（按此）

立即下载｜全新《星岛头条》APP：https://bit.ly/3yLrgYZ