独家丨郭玥彤搬独立屋创造3千尺儿童乐园 𡃁模靓妈疫情冇得带囡囡出街玩

2022-05-25 07:00
Celia K.为迁就不爱出镜的老公影全家福,难得3个囡囡都好合作。
Celia K.为迁就不爱出镜的老公影全家福,难得3个囡囡都好合作。

35岁郭玥彤(前名郭颖儿,Celia K.2010年以𡃁身份出道,出过写真拍过电影,2016年跟生意人李冠锋结婚并淡出幕前,先后诞下3个女儿。早前她先后亮相ViuTV《妈咪Kingdom》及TVB360秒人生课堂》节目,分享由𡃁变成3女之母的心路历程。凡事以三女为先的Celia K.3千多尺独立屋,变为儿童乐园,虽然全屋被玩具同小朋友物品侵占,但可以跟囡囡一齐成长,Celia K.坦言目前的生活相当开心。

采访:杜杜 摄影:沈健程

Celia K.话平日3个囡囡最爱黐住爸爸,连食嘢都要坐住大髀,造就这次影全家福机会。
Celia K.话平日3个囡囡最爱黐住爸爸,连食嘢都要坐住大髀,造就这次影全家福机会。

 

2012年,Celia K.以𡃁模身份,推出首本写真集《Missing Celia K.》。
2012年,Celia K.以𡃁模身份,推出首本写真集《Missing Celia K.》。

 

2016年,Celia K.跟生意人李冠锋结婚,并淡出幕前。
2016年,Celia K.跟生意人李冠锋结婚,并淡出幕前。

节目播出后,有网民留言鼓励Celia K.,「最感动有网民话,『你可以将一啲我哋认为好难堪嘅嘢,用幽默方式表露,你真系冇所谓去分享,真系好值得鼓励』,谂返系有啲难堪,但题目系用𡃁嘅人生阶段去讲,冇后悔嘅,中间有少少唔开心同迷惘,但如果可以影响到一啲同路嘅妈妈,都系做咗件好事。」

早前Celia K. 获好友Bob邀请参加《360秒人生课堂》,老公都有现身支持。
早前Celia K. 获好友Bob邀请参加《360秒人生课堂》,老公都有现身支持。

学识享受做阿妈

Celia K.婚后6年来不断经历怀孕、生BB和凑BB过程,她承认过程很迷失,「以前做𡃁,会有导演教你,有人从旁协助你,或者你可以睇其他人攞经验,但系做妈妈要自己汲取经验,中间有段时间唔知自己做紧咩,长期瞓、食、生、凑咁样,好迷惘,冇晒目标,觉得一世就系咁。」

Celia K.是3女之母,包括5岁长女李明芯、3岁次女 李明珈及1岁幼女李明臻。
Celia K.是3女之母,包括5岁长女李明芯、3岁次女 李明珈及1岁幼女李明臻。

 

Celia K.跟丈夫位于2楼的主人房,已算全屋唯一没有小朋友物品的地方。
Celia K.跟丈夫位于2楼的主人房,已算全屋唯一没有小朋友物品的地方。

不过Celia K.见到老公凑小朋友好快上手,亦学识享受跟小朋友一齐成长,她亦开始学习,搵到做妈咪乐趣,亦从囡囡学识某样嘢获取成功感。「以前喺工作上有成功感,𠵱家可能系同佢哋相处,或者教晓佢哋某啲待人处事。」现在Celia K.凡事都以3个女行先,shopping亦是,「买佢哋啲嘢买得最开心,去旅行第一时间搵大型嘅连锁婴儿同幼童嘅铺头,爆买几箧返嚟,换嘅现金第二日就冇晒,冇自己份已经成为习惯。」

 

1楼是小朋友睡房,以及主要玩乐空间。
1楼是小朋友睡房,以及主要玩乐空间。

 

1楼的玩乐空间,设有两个囡囡最爱的波波池。
1楼的玩乐空间,设有两个囡囡最爱的波波池。

开频道拉近关系

疫情下,Celia K.与丈夫为小朋友搬到屯门3千尺独立屋居住,「疫情第一波我哋住喺一个屋苑嘅顶楼,因为要搭𨋢,每日要经过50几楼会好危险,加上佢哋冇乜活动空间,日日困喺屋企就好癫,先生就提议物色一间屋仔,可以摆到我哋咁多人,又可以有啲空间畀佢哋游水、踩单车,跑吓,撞啱见到呢度。」

Celia K.的麻雀房,亦被囡囡的钢琴所霸占。
Celia K.的麻雀房,亦被囡囡的钢琴所霸占。

 

Celia K.屋企唔多摆设,最多也是一家人的照片。
Celia K.屋企唔多摆设,最多也是一家人的照片。

由于小朋友爱画墙,所以新屋入伙前Celia K.冇特别装修,预留更多空间给女儿,「只系摆啲生活必需品,其他全部系佢哋啲嘢,每层都有张牀,地下又有啲书,等佢哋唔使行嚟行去,本身预个厅唔摆玩具,佢哋都会攞落嚟,1楼预畀佢哋做玩乐空间,有日老公话不如摆个波波池喺度,再有滑梯等等,愈加愈多佢哋喜欢嘅嘢。」本来老公安排了一间麻雀房及天台按摩池让Celia K.跟朋友聚会,但最后多了个钢琴及沙池,逐渐被囡囡物品侵占,Celia K.笑言都已经习惯,冇乜所谓。

花园亦有大量小朋友玩具及设拖,车仔都有多部。
花园亦有大量小朋友玩具及设拖,车仔都有多部。

 

连夹公仔机都有,3个囡囡完全唔怕闷。
连夹公仔机都有,3个囡囡完全唔怕闷。

2020Celia K.Bob(林盛斌)鼓励下,开设个人网上频道,目的是为了跟3个小朋友拉近距离,「佢哋啲教科书同我哋以前唔一样,要同佢哋一齐进步,唔好脱节,要接触人,唔好困喺屋企,可以一齐进步我觉得开心好多。」

2020年,Celia K. 开设个人网上频道,分享凑女和生活点滴。
2020年,Celia K. 开设个人网上频道,分享凑女和生活点滴。

 

更多新冠疫情资讯,请到以下专页浏览

按此 https://bit.ly/3JqiBzz

立即下载 | 全新《星岛头条》APP https://bit.ly/3yLrgYZ

 

 

關鍵字

最新回应

關鍵字

相關新聞

热门文章