360秒人生课堂丨34岁张嘉耀唔烟唔酒患淋巴癌末期吴香伦身同感受眼湿湿

2022-04-29 21:30

林盛斌（Bob）主持的《360秒人生课堂》，昨晚（28日）演讲嘉宾为现年34岁的抗癌勇士张嘉耀，并邀请患上罕见病皮肌炎的吴香伦做旁听嘉宾。已移居澳门多年与太太生活的张嘉耀，八个月前证实患上淋巴癌第四期，由于张嘉耀平日生活节制检点，唔烟唔酒之馀更勤做运动兼有控制饮食，故此得悉患病一刻令他大受打击：「细个时好多大人同我讲，只要你努力一定有回报，所以我一直都好努力。我系健身教练，我一直以身作则，协助身边人更加健康，但我被确诊淋巴癌第四期，癌细胞仲要入咗骨髓，呢样嘢我完全唔能够接受，呢个就系我努力嘅回报？咁都会生Cancer？Why Me？点解话呢个世界系公平？我觉得好唔公平。」

34岁嘅张嘉耀生活好健康，仲有位靓老婆。

八个月前证实患上淋巴癌第四期，觉得上天好唔公平，一度放弃治疗。

讲到忍唔住喊。

多得太太同家人朋友支持，张嘉耀奇迹地半战胜癌魔。

由于事件超出认知及能力接受范围，张嘉耀一度拒绝接受治疗，幸得很爱自己的靓太太、父母及好友支持，他决定重新振作，现在已奇迹地半战胜癌魔，只需打标靶，不用化疗，减少对身体伤害。他特别感谢太太Nana，因在最坏时期Nana除了要消化老公患癌噩耗，更要应付陷于情绪低谷的老公，最终Nana压力爆煲致甩头发，身在澳门的Nana透过视讯重提当时情况：「我嗰刻先意识到自己有几大压力。」之后两公婆更大晒恩爱兼互道「我爱你」，场面感人！

对于张嘉耀的故事吴香伦亦大表感动，坦言自己得悉患病一刻同样难以接受：「我心谂点解咁难中嘅病，都会喺我身上发生，初初我真系好气馁。张嘉耀嘅故事我感同身受，当初我知道有呢个病后我觉得好无助。」幸好遇上好医生兼有好老公陈荣峻共同渡过，令吴香伦坚持不放弃：「我初初患病仲系新婚，我唔可以要我老公咁辛苦照顾我，我觉得心态好紧要。张嘉耀心态非常好，佢冇选择逃避，而系积极面对，已经系成功嘅开始。」