汤怡晒髪线上移相　自爆产后半年狂甩发吓亲自己

2022-04-11 09:30

34岁索人妻兼索妈汤怡婚前系唔少男士心中嘅「女神」，与排舞师麦秋成婚后即诞下可爱囡囡「麦QQ」，由「女神」升呢人妻及人母原来有好大牺牲，她更自爆产后半年狂甩发，仲大方大晒髪线向上移相，以个人经验安抚生完BB嘅妈妈粉丝，叫佢哋唔使太担心。

汤怡晒髪线向上移相。

汤怡头顶位置开始生返好多毛毛。

汤怡变身人母牺牲好大。

汤怡闲时爱喺Instagram玩「你问我答」，同网友互动分享凑B心得，为妈妈粉丝解答各种生产、凑B问题，甚至变成解问爱情信箱。有网民表示被产后脱发问题困扰，问道：「甩得好恐怖，点算好？」汤怡即解答疑难，并且大方晒出发线上移照片，自爆她产后半年开始出现甩发问题来安抚对方，更分享个人心得：「产后脱发呢个事实好似真系改变唔到，只系睇下有无产品可以帮助甩少啲，我系产后半年先甩（发），之前一洗头都吓亲自己，成个发隔都系头发，日日如是，谂紧仲有几多头发要甩，不过生返出嚟喇，之前劲多天线，而家生到好似无啦啦短咗一忽咁，过多一两个月就融为一体，所以你唔使惊呀，系时间㗎咋。」