GD暴瘦出席摩纳哥时装Show 激薄身形胸口见骨变中童

2022-05-06 17:45

上月5日，BIGBANG带著睽违4年的新歌《Still Life》回归，横扫全球榜单，由于MV中暗喻告别画面，成员又无合体，又出现Goodbye歌词，以及讲明唔会有任何宣传活动，加上T.O.P宣布唔续约YG娱乐，又发告别文兼删除IG所有BIGBANG的照片，歌迷估计歌曲是BIGBANG的告别作，相信要睇BIGBANG合体表现应该有排都冇可能。

BIGBANG上月推出回归歌。

发表回归曲一个月，33岁队长G-Dragon终于蒲头，本周二晚现身首尔仁川机场出发到摩纳哥蒙地卡罗出席CHANEL时装Show，GD一直被称为着 CHANEL女装最靓嘅男人，但当日嘅佢非常纤瘦，暴瘦身形引嚟网民热话。

GD现身机场，虽然着厚衫但都觉得佢瘦。

有歌迷喺荷兰见到等转机嘅GD。

今早，GD上载一堆出席时装Show嘅相，着上春装嘅佢更加单薄，粉蓝外套及贴身黑色牛仔裤下相当瘦弱，由于衣着关系，较上机 Look瘦得更明显，之后佢再换一套黑白间条背心外披粉蓝外套及宝蓝色宽身裤，心口瘦到见骨，身形如中童相当吓人。夜晚GD再连换两套衫出席晚宴及After Party，虽然瘦但见精神唔错，希望身体无咩大碍啦。