独家丨Bob望成代表作长拍长有主持《360秒》首参与制作

2022-04-14 07:00

Bob（林盛斌）最近主持今晚（14日）首播节目《360秒人生课堂》，内容是嘉宾以演讲形式，分享人生经历。今次Bob除了首度参与节目制作，最难得是暂时放低搞笑模式，正经做主持，向成为庄谐并重主持之路进发，而他更希望节目能成为代表作，每年拍一季，长拍长有。

采访：杜杜摄影：沈健程

Bob承认《360秒人生课堂》参与度高，亦令他变得份外紧张。

每集Bob都会邀请不同嘉宾演讲分享，大部份都是素人。

Bob向来都好锺意睇演讲，因简单几分钟说话，随时影响人一生，「当中有一段或者一句，启发到你或者感动到你，令到你人生有改变，如果系正面改变，系好大功德。」3年前他已有这个想法，直到去年接到高层曾志伟来电，着他提议制作新节目，他便讲出这构思，「佢听完之后话『好，Bob你试吓筹备，你去搵吓有冇一啲咁样嘅嘉宾』，我大概用咗一礼拜就搵咗10几20个，大部份都系素人嚟。」

现场观众被演讲者打动的反应，令Bob特别鼓舞。

Bob拍《360秒》，对去年12月举行栋笃笑《The Bobfather 2021》演出有都帮助。

做庄谐并重主持

虽然Bob不算制作人，但由节目构思到搵嘉宾，再到内容及后期都高度参与，他认为绝对是演艺路里程碑，「呢个节目令到我觉得做嘅嘢，比就咁带欢乐畀大家更加有意义，对我个人嚟讲会更加有得着，我由头到尾去设计去做，参与成个过程，如果个演讲有十分一观众被激励到，我觉得已经好值得，已经达到做呢个节目初心。」

向来搞笑的Bob，经常参加《THE SHOW MUST GO ON》等综艺。

Bob主持《人夫放假约出去滚》，都是走轻松搞鬼路线。

Bob更视节目为代表作，希望长拍长有，「呢个节目系我做咗电视11、12年，最有标志性嘅一个节目，搞笑、扮嘢、古灵精怪全部都冇晒，系一个好正经、好正气、好有正能量嘅节目，希望每年都有季，好值得大家去睇。」有了这次转变，会否意味Bob未来会多做正经节目？他坦承近年都有思考这问题，「我年纪唔细，就嚟43岁啦！我觉得可以做到庄谐并重，呢个先至系叻，可以继续好搞笑做主持，但一啲好正经嘅骚，Bob都会摆系个list度拣嘅其中一个主持，我希望可以做到。」