Winka自爆期待同COLLAR成员嘈交被笑似达达星人感自责

2022-04-29 19:30

23岁COLLAR成员Winka（陈泳伽）参加《全民造星IV》时，已经劲晒歌喉，因此加入COLLAR后，Fans都期待Winka可以快啲有Solo歌。而日前她作客网上节目《MusicPanda》，与郑欣宜（Joyce）和冯允谦（Jay Fung）两位实力派唱将切磋，同场都没有被比下去，网民都大赞听出耳油。

Winka与Joyce、Jay Fung作客网上音乐节目。

Fans大赞好听。

Winka在节目上被黄丹仪问及有否想过单飞更易发展？Winka坦言有谂过，「我未玩《造星IV》时系有咁谂，因为成日觉得一个人发展，可能好多嘢可以由自己话晒事。但我发现原来做艺人，尤其我呢啲比较新，有好多嘢唔系自己一个人可以完全消化得晒。多几个人陪你就会冇咁多情绪，可以冷静啲，佢哋喺隔离我就会好安心。」KB又问到成军约3个月，暂时来说有冇是非？Winka表示：「其实真系冇，但我期待我哋嘈交嘅。」因为她认为嘈交可以令大家感情更好，「可以更了解大家嘅底线。」

至于同团中边个最friend，Winka就好有自信话同个个都好friend，「佢哋会同我倾心事，我又好愿意分享。」对于出道造型被网民笑似达达星人，Winka表示：「其实我无所谓，我而家都锺意咗人哋话我似达达星人，一开始我有唔开心咗一两日，第一系觉得我真系咁似怪兽咩，第二系觉得有啲对唔住团队，因为好似佢哋将觉得最好嘅嘢摆上我身，但我Carry唔到佢哋摆嘅嘢。」不过Winka非常识谂，话要化危为机，可能好多人一时间未接受到她剪短头发，认为久而久之人们就会接受。

COLLAR出道3个月，人气甚高。

Winka出道造型被网民笑似达达星人。

Winka对于造型被嘲笑，觉得好对唔往团队。

Winka出道前不时在街头Busking，其实她自小就很喜爱唱歌，早前于IG分享过小学参加歌唱比赛演唱G.E.M.（邓紫棋）代表作《Where Did You Go》的影片，Fans都大赞她唱歌有天份，细细个已经好有功架。这日在节目中都有说起小学参加歌唱比赛的往事，「我细个其实冇一个认知我系锺意唱歌，系小学嗰阵睇咗《超级巨声》，我哋就谂住搞个歌唱比赛，然后个比赛名就直接叫《超级巨声》，但系冇人参加，可能大家都怕丑，我班主任就叫我去参加。于是我就唱咗G.E.M.嘅《Where Did You Go》。」而Winka都即场清唱几句，Jay Fung都大赞：「唔使评，咁好听，啲转音真系……因为呢只歌都难唱嘅。」而Joyce都好欣赏Winka的歌喉，「我觉得佢心中有节奏，同埋我喺佢唱嗰阵望佢面前堆纸冇《Where Did You Go》歌词，我觉得好神奇，点解佢可以记得晒啲歌词。」表示对Winka的记性好佩服。

View this post on Instagram

A post shared by (๑˘ ₃˘๑) WINKA 陈泳伽 ∞ (@winka_chan)

小学参加学校歌唱比赛唱《Where Did You Go》。

Winka同两位前辈合唱都冇被比下去。

之后二人都分别同Winka合唱，Joyce话好过瘾，又忆起与Jay Fung曾一同做《造星IV》评判，当时已经觉得Winka唱得好好，「我啱啱听佢唱《记忆棉》有留意佢个嘴，佢唱歌技巧好过我添！我唔会觉得佢系个小妹妹罗。」Winka话会将两位前辈对她说的话写进日记，当自己迷失时再回看，把这些话当强心针，Joyce都觉得她很可爱。