林师杰夫妇英国首玩Car Boot Sale 做小贩卖二手衫惊讶残Tee有人吼

去年10月，TVB前艺人林师杰 (Auston)及港姐出身的老婆欧阳巧莹 (Tammy)带埋两只爱犬移居英国。当时Auston表示想开农场，「可以经营B&B招待你哋嚟住，我又会继续整理旧车，畀你哋可以租我车用，享受郊外体验。」

 

从两公婆嘅IG可以睇到两人嘅新生活相当快乐，近日两人参加人生第一次嘅Car boot sale ，喺一个空地上，好多人揸车去摆档卖嘢，活动全程7个钟，朝六午一，两人五点钟就出发，仲见到好靓嘅日出，林氏夫妇拎咗大量二手衫裤鞋去卖，仲用灯架及相机架嚟挂衫，只卖咗两个钟就赚咗2,000蚊港元，最后结算拎返350英镑(约3,440港元)。

 

两人五点钟就出发。

放咗好多香港带嚟着唔到嘅衫。

林师杰对首做小贩好期待。

用脚架做衣架挂衫。

开档嘞。

衫裤鞋乜都有。

两个钟就赚咗2000蚊港币。

林太话仲有好多货，因为尺寸太细。

活动欢迎宠物。

 

对于呢个人生第一次，林师杰觉得好得意，「啲人会过嚟倾偈，有个好潮嘅女仔睇中我件瞓觉衫，件衫残到一个点，好奇怪，每个人喜好真系唔同，要嘅嘢都唔一样，好搞笑。」林太觉得好好玩，预告5月1日会再去过，地点系Furnace End Market CV10 0QU ，想同两公婆吹吓水嘅人Mark低地址嘞。

 

完场赚咗350镑。

对于有女子睇中残爆瞓觉Tee，林师杰觉得好有趣。

预告嚟紧周日再去。

 

更多第5波疫情资讯，请到以下专页浏览按此  

立即下载 | 全新《星岛头条》APP : https://bit.ly/3yLrgYZ