独家丨保锜首爆跟沙律分手原因自认样衰冇礼貌重新学做人

2022-04-29 07:00

ERROR成员保锜（吴保锜）推出首支派台歌《猥琐》，花姐向《头条》透露选在复活节推出寓意重生。果然访问当日，31岁的保锜似是脱胎换骨，变得成熟又谦卑，更坦认自己样衰兼废柴，改变全因他一直恨做歌手，有了出歌目标，加上「自我放假」时反省，踢走冇礼貌等缺点。提到旧爱沙律（张沛乐），保锜唔觉意透露咗分手原因。

采访：杜杜摄影：沈健程

形象：@chloemakcm、@agneshuins@chloemakfc

发型：Harris Lai@Chic Private I Salon

化妆：Cori Wong@Annie G. Chan Makeup Centre

服装：@rickyy.wong_official、@oamc_official from@hbxhk、@dr_martenshk

自知样衰的保锜，靠狂做facial兼用护肤品，加上做运动减肥改善。

首次单飞作，保锜勇敢地向黄伟文（Wyman）邀词，「我直接问『Wyman老师你好，我嚟紧出首歌，可唔可以邀请你帮我写词』佢话时间上要睇吓，但最终都接受咗，真系好好彩。」对于被Wyman赐「猥琐」，保锜完全唔介意，「佢畀得我梗系好尊重，一定有佢嘅意思，我呢啲咁嘅新人，搵到佢写词好难。」

保锜胆粗粗亲自邀Wyman为《猥琐》填词。

保锜认「自肥」，《猥琐》MV搵来偶像李静仪（Heidi）做女主角。

以张家辉为榜样

对于猥琐，保锜自认是艺人世一，「照镜都觉得自己猥琐，我可能系全世界娱乐圈最猥琐嘅人。垃圾、废柴、样衰、MK，真系百般缺点在身上。」曾因被指似八両金而爆粗闹网民的他竟说：「话我似八両金系侮辱咗本尊，我系差过佢，唔想影响人哋，好似黐佢金糠咁，本身人哋唔识保锜呢个人，但因为咁联想到，多谢佢哋𠻹啦！」以往好介意负评的他亦已接受，「在意就系受伤嘅一种，就会同佢哋反驳，但𠵱家唔需要，直接认。」

以往保锜听到负评，但又改变不到别人观感，曾觉得很受伤。

保锜曾因被指似八両金而闹网民，但现在已想通。

保锜自认缺点多不胜数，好需要改正，「我啲缺点多到每日都要警惕住自己要改，譬如冇礼貌，又成日误解啲嘢，以为有啲小聪明就口出狂言。」他亦明白贴地不代表可以冇礼貌，「呢样嘢系相对，我冇礼貌，人哋对返我咪冇礼貌罗！我系好希望改正呢样嘢，唔想继续成为呢啲人。」保锜想成为更好的人，更以偶像张家辉为榜样，「佢话过以前好唔锺意做『化骨龙』，但系佢有做，仲做得好好𠻹！呢样嘢话畀我听，虽然自己唔系好锺意搞笑，因为终极目标系做音乐，呢样先系我梦想，但人系要有过程，咁我咪做好每一件事罗！」

1999年，保锜偶像张家辉跟李修贤合演电影《化骨龙与千年虫》。

去年保锜「自我放假」期间，出席《口罩小姐》活动全程冇反应。

自认冇资格拍拖

保锜坦言会做好份工𠱁众开心，「每个人都有好多面，做ERROR时一定做返ERROR先会做嘅嘢，做音乐时就会好认真表达返音乐想表达嘅嘢。」不过他直言可以继续做「快吞轰」，但跳Bungy Jump就未敢承诺，「下次再迫我一定会濑尿！」问到如有机会keep住出歌但要跳Bungy Jump？保锜笑言，「呢样嘢我今日唔会答你，因为ViuTV有机会剪出嚟，呢几年真系经历过太多呢啲嘢，所以我唔够胆答，因为真系好惊，上次有少少心脏病同埋脚软仆喺地下，仲系冲破唔到。」

保锜强调就算不太爱搞笑，但拍节目一样会尽力做。

保锜最近跟锺慧冰和媚姨合作，主持ViuTV新节目《MM730 - Auntie你好》继续搞笑。

这次访问，明显看到保锜的转变，他承认去年花姐承诺给他单飞机会，令他变得积极亦学懂珍惜，「上年年尾时讲，呢个project都做咗半年，又经历咗好多，尤其香港连食餐饭都好难，就知道呢啲嘢要珍惜，真系得嚟不易。」加上去年「自我放假」，令他好好反省，除了工作及做人态度，还包括处理感情事。

入行目标是做歌手的保锜，拍《ERROR自肥企画》专登去学结他。

保锜跟沙律年初低调分手，结束一年情。

今年1月张沛乐（沙律）接受《头条》访问时默认跟保锜分手，她希望保锜能支持她推出的写真集《CHANGES》，亦想男方「理解吓我里面文字讲嘅嘢。」保锜坦认有睇过写真集，更唔觉意泄漏分手原因，「我了解佢，但系我想讲，我真系生活未稳定到将所有嘢放喺爱情。（未够资格拍拖？）直情系未有资格拍拖。」以前玩太多的保锜唔想再对感情玩玩吓，「我有好多嘢做得唔够好，感情上再worse啲，暂时全部嘢都放喺工作上，我谂呢几年都唔适合拍拖，起码生活稳定咗先。」