独家丨旨呈睇见都觉得抵打首拍剧演招积二世祖

2022-04-09 20:00

旨呈（邝旨呈）初次挑战演技，接拍「亚洲心动娱乐」网剧《逐流时代》，饰演爱夹band沟女又招积的二世祖「Nio 」，有机会拍金牌监制戚其义作品，又与前辈黄德斌做对手戏，令旨呈整个过程都战战兢兢，幸好大家都好照顾他，而他第一次看到自己在剧集中演出，感觉新鲜又有趣，笑言都觉得角色好抵打。

采访：杜杜

旨呈在剧中经常受伤，他笑指因太乞人憎而不时被打。

能够跟金牌监制戚其义合作，旨呈认为是成就解锁。

旨呈Casting时，跟监制兼导演戚其义倾偈，讲了自己的音乐历程后，再埋位试戏，好快便落实演出机会，「佢话我气场同气质都似个角色，觉得我记剧本能力，同临场发挥都几好。」不过令旨呈最兴奋是最初角色只属客串，试镜成功后竟加戏，「见完导演佢觉得可以加返重啲我条线，虽然都唔系好多戏份，但成套戏都有份，自己已经觉得好满足，仲有机会唱埋片尾曲《寄生》，真系第一次喺剧集听到自己歌声，感觉真系好得意，好有满足感。」

旨呈首度跟麦子乐和麦明诗合作，相处愉快。

旨呈首度跟前辈黄德斌拍戏，虽紧张但学到嘢。

旨呈只试过唱歌和综艺，第一次演戏自然特别紧张，「真系同做综艺好唔同，综艺好多时系睇临场发挥同执生，但系演戏要投入角色，令到对白系发自内心咁讲出嚟，真系好有难度。」旨呈拍第一场戏更要遇上前辈黄德斌，压力更加大，「嗰场已经系廿几集嘅剧情，要同德斌闹大交，仲要打爆玻璃杯，但之后突然跳返去拍第10集另一场闹交戏，要唔同情绪，嗰时大家已经开咗廿几个钟，拍到零晨，但系德斌仲同阿爷（戚其义）、副导一齐帮我分析，德斌好肯教我，佢虽然埋位个气场好劲，最初对住佢都好惊。但系慢慢发觉佢都好玩得。」

跟现实一样，旨呈在剧中也有队Band。

剧中旨呈跟黎纪君是Band友，后来发展成情侣。

拍剧成就解销

剧中旨呈演的二世祖「Nio」，他强调除了对音乐热诚爱夹Band外，基本上跟他完全不同，他更指其实「Nio」不算太坏，「接剧本时知佢系二世祖，个概念都系牙牙擦擦嗰啲，知多咗佢屋企背景，对佢都有啲唔同睇法。」不过背住剧中女友黎纪君沟女一幕，旨呈作为观众都睇唔过眼，「第一次睇自己演戏真系几特别，似自己但系又唔系自己，睇见自己畀人打，都想掴自己一巴！其实拍嗰时好惊，因为现实冇试过畀人咁打过。」

作为爱沟女的二世祖，旨呈当然有偷食戏份。

被「女友」黎纪君撞破偷食的旨呈，连他自己都觉得抵打。

今次演戏经验，令旨呈成就解锁，未来都想多演戏，「有机会同金牌监戚其义同黄德斌合作，角色亦都好特别，未来都想演多啲戏，有多啲唔同机会。」除了新剧推出，旨呈最近还成为ViuTV节目《MM730》逢周二晚的《粉丝福利署》固定主持，题材新鲜之馀，亦开心同两个拍档合作，「Pony（蔡宝欣）喺《造星III》已认识，同阿正（黄正宜）喺《囝囝女女730》亦有合作过，但唔算好熟，大家仲需要啲时间磨合，不过大家都好玩得，相信嚟紧会有更多火花。」