独家丨黄德斌演绎首富好过瘾麦子乐自问做唔到擦鞋仔

2022-04-12 08:00

「亚洲心动娱乐」自家网剧《逐流时代》中，黄德斌饰演财大气粗嘅首富，同攀上流嘅麦明诗有激咀戏及牀戏。德斌形容角色几过瘾，尤其可以代入嘻嘻哈哈看世界。当问到德斌可有响往上流社会生活时？他坦言，活在当下做自己，试到唔同角色最好。采访：方骞平摄影：沈健程

黄德斌及麦子乐相隔十多年再合作。

剧中黄德斌及麦子乐跟麦明诗有多场激咀情欲戏，其中麦明诗穿三点式出镜嘅片段，亦制造咗唔少话题，两人大赞麦明诗够索，不过黄德斌却说：「嗰场我避开咗。」至于麦子乐就猛话蚀咗，到场时对方经已上咗水，所以镜头前嘅流口水反应只系望住摄影师。黄德斌喺《大叔的爱》同Anson Lo（卢瀚霆）争Edan（吕爵安），角色大受欢迎。对于演绎同性恋及异性恋，德斌形容各有难度，最重要系有爱。

麦明诗三点式演出成为剧集亮点。

戏中麦明诗为攀富贵，主动走近黄德斌。

黄德斌及麦子乐都想体验做吓富豪。

德斌坚持同《大叔的爱》原班人马可以试新嘢，唔好拍续集。

麦子乐面皮唔够厚
黄德斌曾经演过同性恋、性无能、太监等较复杂的角色，庆幸得观众接受算系好好彩：「其实首富呢个角色都过瘾，边个唔想做富豪呀？演戏掂到生活中接触唔到嘅世界。」至于麦子乐就演向上爬嘅「擦鞋仔」，忍气吞声埋黄德斌身，他强调现实中无能为力：「原来做擦鞋仔，首要条件系面皮厚，我一定做唔到。」德斌坦言遇过唔少「擦鞋仔」，他坚持每人做唔同嘅嘢，只要唔影响人就得。