独家丨Edan为做好演员虎年要学喊 首拍贺岁片《阖家辣》发挥搞笑本色

Edan（吕爵安）首度主演贺岁片《阖家辣》即将上映，孖住一班前辈吴君如、郑中基和梁咏琪（Gigi）齐放笑弹，电影由新导演兼编剧郑晋轩（Coba）真人真事改编，戏中Edan就是演「Coba」，但他觉得拍综艺容易演喜剧难。身为MIRROR搞笑担当的Edan，仲自认未控制到泪腺，戏中喊戏要君如亲自出马教路，为将来做个好演员，虎年会努力学识点样喊。采访：杜杜 摄影：谭壹致、叶君海 发型：Man Chan@Chic Private I salon(Edan) 化妆：Giann Cheung&Mayling Suen@Annie G.Chan Makeup Centre(Edan) 服饰：GCDS、Jimmy Choo、Bulgari(Edan) 场地：香港瑰丽酒店(Rosewood Hong Kong)

Edan希望虎年各方面都有进步，「每方面继续再叻啲，作品出嚟嘅质素都系好，期待今年吸引更加多嘅嘢。」

Edan虽然好少喊，但去年初也曾为不快事喊过。

导演Coba坦言搵了多位演员Casting，直到遇到Edan就觉得选中了，除了因对方的喜剧特质，还有其他原因，「我哋好需要一个好正面嘅人演饰戏中嘅『Coba』，『Coba』系代表呢个年代嘅年青人，一见到佢觉得佢好正面。」而Edan就笑指Casting成功，完全唔关演技事，「可能系我嘅朝气、青春活力、哈哈！仲有可能系我唔知丑，面皮比较厚。嗰时Casting我都好紧张，同埋嗰阵对做戏仲系好迷惘，啱啱拍完《大叔的爱》，未识分咩系好咩系唔好，所以绝对唔觉得自己Casting表现得好好。」

Edan第一次拍电影就有Coba作原型参考，对他有一定帮助。

Edan和Coba首部电影，便幸运地得到君如和邹凯光等前辈照顾。

同导演组影坛「Codan」

Edan和Coba都是影坛新贵，他们坦言两人合作有火花，Edan更有种战友感觉，「佢好早期已经同我讲，我哋坐埋同一条船，我哋嘅压力都几似，我哋都系好新，点知喺个好重要位置，如果做得唔好，好影响之后嘅嘢或者运作紧嘅事，我哋要加油，所以开镜前已经同佢紧密联系，成日开会倾个剧本，喺工作室排戏练戏，佢会逐场同我执，好似有个战友，有个伙伴陪我一齐去作战咁，几开心有佢嘅存在（电影圈嘅MIRROR咁拍住上？）我哋系『Codan』！」

Edan首次跟中基和Gigi和君如合作，获前辈照顾和爱锡。

《阖家辣》戏中，中基和Gigi演Edan父母。

作为新丁，仲要面对住前辈君如、中基和Gigi，Coba坦承开始时压力好大，但拍落就冇咁惊，「我第一次做导演，有君如我监制，君如做我演员有中基同Gigi，其实冇乜嘢好惊，佢哋会睇住我，君如唔会畀我死，真系喺压力下成长。」Edan感觉亦相似，最初好惊演唔好连累人，「入剧组几日后，已打破隔膜，君如、Gigi同中基都好好人，冇架子又好锡我，畀好多支持同鼓励我，又教我好多嘢，真系好温暖，就好似一家人咁，当然有好多担心同紧张喺入面，但成个过程系好愉快，煞科时真心好唔舍得大家。」

戏中演Edan姑妈的君如，演喜剧的技巧令他大表惊讶。

Edan出名唔识喊，拍戏时君如亲自出马教他演喊戏。

拍综艺易演喜剧难

令Edan觉得有压力，还因拍综艺跟演喜剧有好大分别，有一定难度，「平时个人有啲搞笑同喜感，同做戏做得好搞笑系两回事，做《胶战》拍综艺，我可以好自然就搞笑，但系跟住个剧本演绎一啲对白，点样喺个戏度好搞笑，我觉得好难。」幸好他今次可以跟一班喜剧能手偷师，特别是君如，「有场戏讲我喺度说服人，本身我用个好诚心诚意态度去说服，我做咗一次后，君如就话再嚟个版本系食住嘢讲，一食住嘢讲就成场戏唔同晒，变咗好轻松，反差好大，嗰刻我好震惊，呢个就系经验，原来转少少嘢可以令成场戏唔同晒，呢啲系我以前从来冇遇过，喺佢哋身上真系学到嘢。」

疫情打乱了电影宣传活动，Edan、君如和Coba唯有亲自落区。

Edan向来是MIRROR搞笑担当，但他认为其他队友一样好搞笑，「大家搞笑嘅位唔同，每个人都有可爱地方，可能姜涛嗰种呆呆哋，《考有feel》入面大家都会觉得好好笑，Anson Lo喺度嗌嗰啲，大家又觉得好搞笑，所以我唔会话自己系MIRROR最搞笑。」Edan搞笑就叻，但讲到喊就经常被队友成日笑冇泪腺，他坦承好难喊，对上一次不为工作而喊，已经是去年年头的事，「为咗一啲唔开心嘅事，觉得有啲委屈，突然间就喊，自己都估唔到。」不过，Edan唔肯讲究竟因乜事，但否认因负面新闻，又话学习紧控制自己喊，「我都未摸索到自己嘅泪腺几时运作，都练习紧，某程度上我点解会咁，系种自我保护嘅意识机制，好惊自己会受伤，或者好惊自己会被情绪影响，习惯一个模式，所有嘢都睇得好轻，用开心去抵挡所有嘢，所以比较少喊，但系作为一个演员呢个盔甲要缷下，都难㗎，所以我练习紧。」

Edan认为拍综艺和演喜剧分别好大，对他来说有一定难度。

立即下载 | 全新《星岛头条》APP :https://bit.ly/3yLrgYZ