独家丨萧正楠闹市拍剧高度戒备防染疫翠如停工向妈咪级闺密取经

2022-01-30 23:30

传去年10月黄翠如北上做「跟得夫人」时成功造人，44岁萧正楠(萧公子)变得更进取，之前喺内地拍剧、登台、做直播带货，跑够奶粉钱即返港，马不停蹄拍TVB新剧《破毒强人》。日前萧正楠喺人来人往嘅花园街拍被追捕场面，内地Chur到尽搵食的萧公子样带点残，却加添成熟佬味，见佢拍剧高度戒备小心防疫，家中疑有大肚婆当然要更加小心。采访：方骞平

心情大靓传闻中嘅准爸爸除罩埋位笑容满面。

跟得夫人黄翠如去年10月开始北上做「跟得夫人」，两公婆开心放闪。

去年10月黄翠如疑受情绪困扰暴瘦兼放负，最后停晒所有幕前工作飞去内地探老公萧正楠班。叉足3个几月电，黄翠如返港后分别跟闺密陈自瑶及唐诗咏聚会，见佢换上松身衫，发福身形飘出「孕味」！及后黄翠如例牌否认有咗，只淡然回应：「感谢大家的关心。」不过，据知，黄翠如曾秘密向妈咪级闺密了解育婴及生产资讯，同时已全面停Job，而且复工无期。

孕味甚浓黄翠如相约好友唐诗咏见面时身形变得圆润兼粗腰，孕味甚浓。

丝巾保暖翠如跟郑绍康聚会时继续著松身外套，仲特意围上丝巾保暖。

丧食增肥萧正楠解释老婆系食多咗所以发福喎。

手袋遮肚喺「老公视角」相片中，翠如刻意用手袋遮住腹部。

去年激瘦去年9月剧集《七公主》播出后，翠如疑受情绪困扰暴瘦。

埋位前一秒先除罩

老婆否认，萧正楠同样口密，不过身体最诚实！日前周六早上十点半，萧正楠喺旺角花园街拍新剧外景，该场口讲佢俾警察追捕要拔足狂奔，由于外景场地位于闹市，加上正值过年前办年货日子，街上人贴人，亦有唔少途人聚集八卦睇热闹，人流密集。萧正楠除口罩穿梭小巷、摊档，疫情下相当高危。唔知系咪因为老婆粗身大细要特别谨慎，现场所见萧正楠明显高度戒备，小心防疫。见佢戴住口罩试位，直至埋位前一秒才肯除低放落袋，不过镜头前拍得既认真又专业，唔会为咗快拍而交行货，直到cut机就火速戴返个口罩。

闹市狂奔《破毒强人》讲毒品，萧正楠喺闹市拍一场被警察追捕的戏份。

戴罩试位小心要紧，所以萧正楠连试位都要戴上口罩。

加紧防疫萧正楠身处人流密集之地，一停机即刻戴回口罩。

对老婆大肚冇回应

对于高度防疫，萧正楠透过WhatsApp回覆本报记者说：「都要好注意安全，工作人员提醒一cut机要即刻带返口罩。」再追问老婆系咪有咗？萧正楠避谈说：「佢心情好食返健康咗，之前就太瘦…肥咗啲就有咩！」萧正楠冇否认一直恨做老窦，至于有否生育大计呢？他回应说：「一切随缘…哈哈哈！」当记者提醒他，若果否认但之后证实系真会被网民秋后算帐，对此他即已读不回。另外，记者再就黄翠如继续穿松身衫去郑绍康（Francis）饭局，问老萧是否等待适当时机先公布好消息？他仍然说：「矛(冇)回应，唔该晒。」