独家丨环星歌手喜气洋洋合唱贺岁歌 73岁尹光支持MIRROR

2022-01-30 13:00

虎年将至，「环星一哥」尹光日前率歌手康华、杨立门、方俊（Aman）、何婉盈、莫旭秋（Joe哥）及方丽盈等拍摄新春贺年歌，于大年初一中午开始喺环星娱乐网上频道播出，跟观众拜年，当日歌手们着到金光闪闪及红当当录影，十分喜庆。

环星老板张国林率台前幕后提前拜年。

「环星一哥」尹光压轴录影。

杨立门(左起)、歌莉雅、尹光、康华、莫旭秋、方丽盈、方俊个个有实力。

尹光走多元化路线唔怕后浪

光哥选唱《新春如意》，歌词提及「快乐财运到...」他表示疫情下，近日好开心接到广告，而且酬劳好好，冇被压价。他笑说，虽然人气组合MIRROR雄霸咗大部份广告市场，但喺镜仔嘅手指罅漏啲广告出嚟畀佢已经好好喇！问到系咪过肥年？哥光话：「又唔使过肥年嘅，呢个时候主要系身体健康，百毒不侵！样样顺利都就ok。」光哥有留意时下乐坛及有听后生仔啲歌：「我甚至有听15-6岁嗰啲年轻歌手唱嘅歌，只不过我唱唔到啫，（佢哋ok呀？）都ok，多啲乐坛新血嘛，其实大家歌路唔同，我啲歌大路啲，粤曲我又唱，大戏我又做，时代曲我又唱，rap歌都得，连电视剧主题曲都会唱，所以唔怕后浪推前浪。」

73岁尹光竟然有留意MIRROR。

声梦传奇为乐坛注入新血。

方俊开心张伟文健康有好转

张伟文经理人方俊跟方丽盈合唱《恭喜恭喜》相当生鬼，两人喺舞台合作咗10几年好有默契。方俊最近为张伟文安排腰椎手术疲于奔命，加上受疫情影响住院期间不能探望，令方俊非常担心，直至出院后，覆诊时见张伟文脚部变得灵活，加上身体检查报告大致良好，算系放下心头大石，他希望新一年个个都身体健康。至于康华跟杨立门高歌国语版《恭喜恭喜》，不过男声竟然落喺康华度。最近康华忙拍TVB新剧《法言人》，剧接剧冇停过，工作算系好稳定，事事顺利。