Yanny@SG工作中迎32岁生日 男友冇送蛋糕食寿司庆祝补偿

Super Girls（SG）成员陈颖欣（Yanny）22日在工作中迎接32岁生日，期间获剧组送上蛋糕，令眼浅的她不禁感动到眼湿湿，还直呼「最爱开工」：「可以逼大家同我讲生日快乐，得到好多祝福。」Yanny笑言生日正日拍摄是好兆头，寓意「年年有工开」：「去年受疫情影响，工作机会减少，所以有工开觉得好感恩，希望多啲嚟密啲手，填补番去年嘅收入。」
问到男朋友有何表示？Yanny即甜丝丝表示：「佢好理解我嘅工作，所以唔会怪我挂住开工；不过听日放假，我哋会食寿司庆祝！噚晚我讲笑话佢冇准备蛋糕，佢话佢年年生日我都冇送蛋糕！其实我个人一向冇乜仪式感，所以依家都会学识，要适时为重视嘅人准备惊喜。」

Yanny指生日正日拍摄是好兆头，寓意「年年有工开」。

回顾今年，Yanny除了专心发展演员事业，也跳出舒适圈与不同网上平台合作，在工作上交出了漂亮的成绩单！她坦言2021年是人生中重要的一年：「虽然入行已经十年，不过今年觉得自己好似新人一样，接触咗好多唔同范畴，尤其与人相处同合作嘅过程之中，获益良多！早几日我睇返儿时日记，当时自己好想做演员、喺人面前表演，从来冇谂过今日可以实现梦想，所以人生嘅嘢好得意，只要朝住目标进发，终有一日可以梦想成真。」至于生日愿望，她笑言经常被人催婚，但目前希望为事业冲刺；作为演员的她更寄望遇上好电影：「好想拍到一部代表作，以后老咗可以畀子孙睇，婆婆都识做戏㗎！」

Yanny开心到喊。