为萧唯展食店拍宣传照 陈颖欣扮食龙虾唔畀吞超残忍

陈颖欣（Yanny）早前为「生煎包皇」萧唯展（前名萧润邦，Oscar）的食店拍摄新一辑宣传照，首次接拍食品广告的她直言「超级开心」，自言非常为食。以为可以狂食招牌小笼包及龙虾美食的Yanny，拍摄当日「留肚」只吃了早餐，但她说：「原来拍摄唔系真食，又闻住好香嘅龙虾味、浓汤味，又有小笼包味，但系又唔食得，我觉得系好残忍嘅一件事。」
Yanny笑言最「残忍」的一幕是要将一大只龙虾放在嘴里扮食，「但又唔畀吞，好似上紧天堂又落紧地狱咁。」她又透露拍摄时更要考她的「筷子功」︰「要双手都要用筷子夹小笼包，但我唔习惯用左手揸筷子，结果拍摄过程小笼包系咁跌，我就谂唔好再跌，因为小笼包跌咗整污糟要换过新，我就会觉得跌落地不如畀我好过啦。」
Yanny同时感激在Super Girls刚出道时，Oscar已非常「关照」她及一班姊妹。她说︰「我哋排舞室喺佢食店附近，有时去买嘢食，佢会请我哋食，我哋开演唱会又会提供食物，所以关照咗我哋好多。今次佢搵我参与广告拍摄，再次关照我，真系不得了。」