BY2妹Yumi疑背何猷君暗交王力宏  2013年旧照被翻完全唔同样

王力宏同李靓蕾的世纪离婚搞到满城风雨，日前李靓蕾以逾5千字长文爆出老公约炮劈腿，私生活极混乱。当中卷入桃色风波嘅孖妹组合BY2妹妹Yumi，发文自称唔系小三，报完警又贴出与王力宏嘅聊天记录，声称系男方婚前拖友，仲话：「2015年，当时我俩早已互删微信好友。」随即时被「蕾神」靓蕾踢爆2015年8月改用Whatsapp私讯力宏，仲用黑白全裸照做图像，极尽诱惑性。

李靓蕾反击，贴出2015年8月Yumi以裸女做图像嘅Whatsapp王力宏。

Yumi声称相片摄于2013年。

又2013年、又2015年，呢堆数字就成为网民化身名侦探「破案」关键！皆因Yumi喺2014年底被爆与已故赌王何鸿燊公子何猷君热恋，更传已达谈婚论嫁阶段。但相隔1年，即2015年，Yumi就喺IG喊住口话冇胃口食饭，留言：「感谢你的背叛。」当大家都以为系猷君变心，后来就被人踢爆系佢自己先劈腿大陆男星孙祖君先搞到分手，真系恶人先告状。睇番时间线，王力宏嘅短讯同猷君嘅拍拖时间好肳合，网民质疑猷君疑戴绿帽。

Yumi与何猷君于2014年被爆恋情，翌年才告分手。

猷君与奚梦瑶组织美满家庭。

而Yumi声明嘅另一点，话同力宏嘅亲昵合照其实系2013年拍摄，但点解2015年先贴出嚟？全因为要激当时男朋友。不过，有网民po出BY2喺2013年出席活动时嘅相片，一直有指两姊妹整容，当时样貌仍未进化，Yumi脸圆圆，五官未咁精致，跟Yumi所谓喺2013年拍摄嘅相片完全唔同样，反而跟猷君嘅合照更加似。

Yumi曾被指整容，最新靓相。

有网民翻出Yumi（右）同姐姐喺2013年嘅旧照，脸圆圆。