甄子丹贺儿子James14岁生日 全家皮褛Dress Code劲醒神
2021-12-15 08:00 
「宇宙最强」甄子丹今年工作冇停过，先到内地长白山拍摄电影《搜救》，之后又到欧洲拍摄荷里活新戏《杀神John Wick 4》，连埋隔离日子，有近9个月唔冇陪家人。子丹日前喺活动上好感慨话大女甄济如（Jasmine）已经比佢高，而细仔甄济嘉（James）就同佢一样高，而且已经变声。
噚日喺细仔James嘅14岁生日，向来爱锡子女嘅子丹就为囝囝搞咗个生日派对，仲喺社交网上载全家福。佢哋仲有玩dress code，一家人齐齐穿上黑色皮褛，而寿星仔就着住红色皮褛，非常sharp醒。James一向好有音乐才华，喜欢弹钢琴，生日蛋糕亦是以音乐为主题，用乐谱作点缀，好有心思。
子丹同老婆汪诗诗好肉紧咁锡囝囝面珠。子丹以英文留言祝James生日快乐，仲好感触咁话：「你变得如此出色，英俊的年轻人！很遗憾爸爸在外出拍摄时错过了太多和你在一起的时刻（幸运的，是我们有你能干、聪明的妈妈让你、你的妹妹和家人保持完美和谐，充满爱和色彩！你知道你的才华来自哪里！ ☺️)祝你继续快乐、成长、发现、探索，做作曲高手，做生活高手！（当然要努力，少玩游戏，多学业，多练习！😆) 永远爱你，儿子！并享受这一天！」
最新回应