独家丨陈柏宇呻囡囡唔准佢喺屋企唱歌 搞圣诞P唔使食过期面包

陈柏宇（Jason）两场红馆《FIGHT FOR》个唱圆满结束，他可以松一松和家人欢度圣诞佳节，之前Jason喺个人YouTube Channel开吹水台，爆老婆符晓薇成日食过期面包，仲要迫两父女一齐食，问到圣诞节系咪可以叹返个圣诞大餐开心吓？Jason大笑：「我呢期忙好少买面包返屋企，咁就唔使捱过期包！」采访：方骞平 摄影：沈健程 服装：kamakurashirts_hk、apc_paris、ithk、blue_blue_japan、harveynicholshk 场地：太古城中心

陈柏宇今个圣诞节要录音。

陈柏宇一家三口好温馨。

陈柏宇好重视家庭生活。

 陈柏宇《FIGHT FOR》红馆演唱会邀得黎明任首场嘉宾，为观众带嚟惊喜，而符晓薇亦抱埋3岁囡囡陈羿辰（Abigail）捧场。Jason称囡囡唱歌唔叻，却好锺意唱歌，坐车、瞓前成日唱，但唱唱吓就瞓著：「有时佢唔锺意我唱佢啲歌，要求独唱，又嫌我嘈，唔畀我喺屋企唱歌，不过佢都识得唱我某啲歌几句歌词嘅。」

陈柏宇好识得同细路仔沟通，𠱁得小朋友好开心。

Abi瞓前会唱歌，近排佢发开口梦嗌过爸爸。

开心个女黐自己
陈柏宇坦言囡囡听到佢嘅歌反应唔太雀跃：「佢唔系我fans唔紧要，最重要我系佢爸爸，佢喜欢我系佢爸爸，近排佢发开口梦都有嗌『爸爸』，佢都几黐我。」今年圣诞节Jason会继续开工录新歌，不过，重视家庭生活嘅佢点都会开返个Christmas party𠱁吓囡囡开心：「我哋会请埋一班小朋友同埋家长嚟食吓意粉、Pizza、鸡翼等(终于唔使捱过期面包)哈！又冇咁夸张，咁我哋真系锺意食面包，平时都系我去买面包，呢期忙少咗去买。」
 

陈柏宇首场红馆《FIGHT FOR》个唱邀得黎明做首场嘉宾。

老婆及囡囡睇足两场，Abi睇到好兴奋。

陈柏宇真心锺意食面包。

Jason赞囡囡好锺意返学，返学后仲叻咗好多。

去年囡囡未识咩系圣诞节。