造星IV│欣宜为保Karen疑想造马 余迪伟睇B组表演一头雾水

昨晚（10日）ViuTV的《全民造星IV》节目尾声，由A组的《This is me》对撼B组的《未知道》，前者卖点是做自己；后者就将之前几个回合B组做过的表演融入《未知道》，希望感动评判之馀，亦为本届参赛者留下美好回忆。

A组《This is me》分配唱歌部份分得唔够平均。

Ika被赞唱得好，但似乎个表演焦点去晒佢身上。

 

不过A组《This is me》虽被赞有活用舞台，但评判余迪伟及冯允谦（Jay）都嫌歌唱分Part分得唔平均，Jay表示：「颖荞把声好靓，其实我都想听多啲，我觉得头先唱唔够。」余迪伟亦有同感：「《This is me》大家睇过电影会好认识佢想带出嘅讯息，我觉得drama部份未够令个Live升华。Ika（廖芷嘉）唱得好好，但如果以成个表演睇，点解成个焦点喺晒一个人身上呢？颖荞同芯駖把声咁靓系咪可以唱返多啲呢？」

评判赞颖荞把声好靓，话想听多啲。

 

而B组的表演就似乎令余迪伟感到一头雾水，虽然有主持强尼代为解释表演融入了前几回合B组的表演，但30强比赛当下《造星IV》其实都只播了几集，在座评判从未看过之前的表演，感受不到感动位，余迪伟表示：「呢个都系你哋拣一条桥，做创作前要考虑嘅嘢，我哋睇嘅时候都冇共鸣，唔应该要强尼出嚟画出肠。」而在后台被B组感动到落泪的导师梁祖尧就反驳：「其实我冇咁谂，例如屋仔同雀仔都唔关（之前表演事），呢样嘢被放大咗。」

B组导师阿祖话当《未知道》呢个表演系纪念，唔好当比赛。

B组表演出现「金鱼」，令人回想到B组的「六条金鱼」。

「六条金鱼」是已被Foul的咖喱提供的故事，令人几感动。

主持强尼帮口解说B组的表演。

阿祖感动到喊。

 

余迪伟事前未睇过其他表演，觉得表演冇共鸣。

有网民赞同余迪伟评语。

Jay同样觉得B组分配唱歌部份唔够平均。

黄修平一如以往，好易被感动。

 

另外，今回合规则又唔同上次，评判事前就知各组输比赛要Foul的参赛者，网民质疑唔公平。A、B组的死亡名单分别是Ashi及Karen，欣宜看了几场Karen的表演都大赞对方，B组未表演欣宜已表示：「唔想Foul Karen。」一旁的Jay提醒她要睇埋个表演如何再决定，强调比赛要公平，但欣宜竟然回答：「咩系公平，我哋自己夹咋嘛！」言下之意似乎想与其他评判一齐造马？唔止余迪伟听到都唔回应，就连网民都在ViuTV的facebook留言批评：「欣宜你可唔可以公平少少，话唔想foul karen，jayfung都同你讲要公平，你竟然话公唔公平系自己定？」

其实欣宜今次做《造星IV》评判已经唔系第一次被批评，前几集就有网民批评她「夹硬搵嘢赞」，今次又被拍下疑邀其他评判造马力保Karen，未知会否影响网民对她的好感度，更有网民指她在《造星IV》中的表现，可能会反映在商台「叱咤乐坛我最喜爱的女歌手」的结果上。

有网民提出今个回合，评判一早就知各组Foul边个好唔公平。

欣宜因为好锺意B组嘅Karen，B组未表演佢已经扬言唔想Foul已在死亡名单上的Karen。

余迪伟及Jay回应欣宜称需睇表演决定，言下之意似想提欣宜唔可以因唔想Foul Karen而拣B组赢。

 

对于Jay提点比赛要公平，欣宜竟然话：「咩系公平，我哋自己夹咋嘛！」惹网民反感。

网民觉得欣宜好偏心。