造星IV丨梁祖尧列7点反击网民指控 节目外653小时观众睇唔到

梁祖尧为ViuTV选秀节目《全民造星IV》担任导师，但播出以来屡受批评，尤以上届廿强方方（方芷欣）和39岁四子之母Ling均被网民质疑不值得晋级，指他有偏私之嫌。

梁祖尧昨日在社交平台撰写千字文为自己平反，列举七点反击网民指控，包括：「做乜唔搵人帮手！、「点解应该留低嗰啲你就foul晒？」、「做乜鬼成日做戏呀？选女团定系选剧团？」、「你根本唔识做导师！」、「你知唔知咩叫观众缘呀」、「靓就系观众缘啦你识唔识㗎？」、「你唔使解释啦，我见到嘅唔系咁罗！」

梁祖尧指比赛至今已进行14星期，制作组拍摄了共672小时的片段，但播出街只有19小时，「672-19= 仲有653钟头嘅嘢你系睇唔到」。经剪接后，观众或许有不同观感，而且内容会有缺失。对于被质疑不找帮手教队员唱歌，他澄清有安排老师为队员「补钟」教唱歌。而戏剧上的训练，阿祖亦认为是必需，因为今届比赛的宗旨是希望加强戏剧的训练；至于靓女就有观众缘这一点，阿祖解释：「靓绝对系观众缘嘅条件之一，但唔系唯一。造星唔只选美咁简单嘅。」他强调淘汰人选前，其实有跟花姐和未来女团经理人阿Wing讨论，她们的意见十分重要。