独家丨《造星IV》何佩自资将参赛歌派台 唔觉似Ian最想同阿Jer合作

《全民造星IV》有「女版Ian」之称、83号何佩（何佩婷），头Round凭住演绎原创歌曲《Unknown》，加上为离世男友再追梦的背景感动全场，可惜第二Round团体赛，被导师许廷铿列入死亡名单，最终60强止步。虽然要离开《造星IV》舞台，但何佩仍会坚持追梦，更打算做独立歌手自资将《Unknown》派台。提到跟Ian撞样，她就不觉似，更自爆好想跟偶像阿Jer合作。撰文：杜杜、秦咏姿  摄影：叶君海、谭壹致

25岁的何佩虽然与男友的故事感动观众，但却不肯再提有关男友话题，男友因何离世或是两人拍拖多久等等，她一概婉拒回应。而对于公开男友故事被指消费对方，她就解释写歌是基于自己真实故事，不会刻意掩饰，「消唔消费，而家出咗所有关于我另一半嘅嘢，我唔会Repost就好简单解释咗，嗰时只系花姐问我就咁答，冇谂太多，之后都会谂自己会唔会太坦白呢？但系讲咗就系讲咗，呢个系真人骚，而呢一样嘢系我真实嘅故事，系我嘅经历，我讲都系属于我嘅嘢，反而系其他人有冇去消费我呢件事。」

做兼职助追梦
虽然被《造星IV》淘汰，但何佩未有放弃歌手梦，已计划做独立歌手，自资出歌派台，「我一定会做音乐，继续写歌，我会想自己嘅歌派台，就算自己出钱都会令自己嘅歌派到台。（做独立歌手？）系呀，既然你追梦，或者去做呢件事就要有头有尾，我唔能够喺节目面前洒热血，之后就冇咗，我一定要将我要做嘅事延续落去。《Unknown》喺节目都出咗，年尾睇吓可唔可以将佢派台同埋拍到MV，呢个时候就要碌人情牌，冇钱都要做，不过一定有方法可以搵到钱，最多做多几份freelance，自己都有写广告稿同埋做设计。」


何佩被指似师兄Ian，除了样貌，还因为同样爱创作，拎住结他表演。不过她自觉唔多似Ian，「可能露齿嘅人畀人感觉亲切，我唔觉得特别似，侧面有少少似啩！但希望大家睇嘅系我，而唔系其他人影子。」何佩直言无端端跟Ian有关连觉得好荣幸，又赞对方有才华，但讲到合作她首选偶像阿Jer，「我好锺意阿Jer，佢出《水形物语》时已经有听，觉得无论佢啲歌或者演绎，个人嘅性格都好好，我好欣赏佢，好想同佢合作，因为真系锺意。」