独家丨旨呈无憾制微电影向经典致敬 自小疯狂迷上《捉鬼敢死队》

搞开音乐的旨呈（邝旨呈），最近亲自制作微电影《香港版Ghostbusters想战斗即战斗》向电影《捉鬼敢死队》致敬，斋到美国订造道具装备已经要5位数，但他认为是自肥计划，因他自小已是该片超级粉丝，趁住真正延续篇、正规第三集《捉鬼敢死队：魅来世界》上映前，跟电影合作创作微电影，他直言已觉无憾。撰文：杜淑霞 摄影：叶君海 场地：Second Draft

旨呈回忆小时候第一次睇《捉鬼敢死队》时已好有惊喜，「嗰时屋企人租带畀我睇，第一次睇我发晒青光『正喎有鬼』。细个买齐晒装备咁滞，因为嗰时屋企人生意渐入轨道，有啲积储，买晒枪、背囊、人形公仔，连间消防局玩具屋都有。」

超级自肥计划

当知道可以跟真正的电影合作，令旨呈这个超级粉丝劲兴奋，「嗰时每晚睇都谂可以系《捉鬼敢死队》去捉鬼就好，今次唔系自己发烧做完post段片出嚟，系真真正正同佢哋合作，我觉得好开心，今次将所有嘢都一比一做，连埋个CG效果都真实咁呈现，真系有种死而无憾。喺呢行行咁耐，去到呢刻你执行嘅计划获得人认同，畀你发挥，系人哋对你肯定，亦系对自己一个肯定，我嗰刻系有种想喊嘅感觉。」



旨呈花咗不足一个月制作这微电影，由剧本创作、导演、主角及后期剪接全部一脚踢包办，「除咗做音乐之外，我最锺意就系影片制作，因为《捉鬼敢死队》系八、九十年代产物，新世代未必记得头嗰两集，我谂剧本用咗少少时间，希望唔识嘅都会睇到津津入味。」最开心是电影公司给他自由发挥，仲可以狂买恨了很耐的道具装备，「呢件事系超级自肥，呢套装备如果唔系有呢个计划系唔会出现，好似呢个质子背囊彷制真品，喺美国搵咗个做得好靓嘅人，即刻用咗两个礼拜赶工空运嚟香港，睇到有灯光，亦都有声效，仲可以发射，用咗五位数字。」