叶巧琳与张进翘拍MV有超激场面 担心另一半难接受

叶巧琳 (Mischa)早前邀请《全民造星III》的队友张进翘 (Manson) 担任新歌《心兽 (怪物Version）》的MV男主角，Mischa 承继前MV《森林女王‧大地之母》的角色，灵魂经过千年转生，成为现代贵族；至于 Manson 就由一只狼，转生再转生，活在现代神父的躯体中，Manson 觉得自己的戏服有点战士 feel，新歌内容是首讲到人性内心欲望，对于这个构想，Mischa 透露：「每个人或多或少有啲黑暗嘅一面，有唔同程度嘅欲望，好希望透过呢首歌可以同大家分享到呢样嘢。我觉得大家唔使惊呢个欲望，佢可以成为你嘅动力，当两样嘢融为一体嘅时候，个人先更加丰富。」今次拍MV，Mischa 亦趁机自肥，她笑说：「我想要集唔同嘅美男子喺我嘅MV入面，今次唔止MV，仲集埋喺首歌入面，Yeah！」

Mischa 在MV中做主动的一方：「我爱慕佢，我喺 MV 中嘅欲望就系强烈地想得到佢嘅身体同爱，因为我之前大地之母都系锺意男人，所以嚟到呢度都系好锺意，而我见到锺意嘅男人，就好想得到佢罗！」Manson 补充称：「我有回避嘅，我谂过点解今世要做神父，应该系想抑压我人狼嘅一面，自己不停压抑自己嘅欲望。」虽然 Mischa 应 Manson 要求，MV中没有锡锡场面，但少不免有亲密戏，最激烈出现了舔耳珠及咬耳仔一幕，Mischa 演完后担心另一半接受不来：「我拍完之后有啲担心，仲有啲惊呀！我唔知个MV出嚟之后，佢嘅接受能力可以去到边……」Manson 也怕自己的「小命不保」！