【独家】拍《逐流时代》惨俾黎纪君打旨呈演咀戏压力更大

2021-07-21 04:04

由亚洲心动娱乐出品、戚其义担任监制兼执导的网剧《逐流时代》，早前已正式煞科。剧中《全民造星III》的旨呈（邝旨呈）首次在剧集饰演重要角色，演绎二世祖「Leo」，他坦言今次角色相当乞人憎，差不多每个有关系角色都会打他，这天探班他就要俾黎纪君出拳打，不过这个动作场面都不及咀戏令他压力更大。撰文：杜淑霞摄影：梁志明

剧中旨呈跟林耀声和黎纪君等组成乐队，由于屋企有钱旨呈成为乐队经济支柱，「老窦不停畀钱我夹band，佢想我继承佢一啲嘢，但系我一路好反叛，好玩世不恭，用音乐嚟麻醉自己，不过成日唱歌都唱唔到好渣！」问到同现实是否刚相反？旨呈即停了不敢答，搞到林耀声和黎纪君齐齐大笑，之后他再搞笑补句，「现实都系废人一个。」

跟戚其义合作好紧张

由于旨呈恃住是大水喉，就算劲冧黎纪君一样对女方不忠兼且出卖对方，这天就是拍摄黎纪君出拳打他发泄戏份。黎纪君说：「我同旨呈之间有啲冲突，我之后同阿声做情侣，性格都变化好大，开头好倔好硬同阿声一齐之后变得好柔，好想依赖对方，系几得意嘅角色嚟。（佢融化你？）可以咁讲。（声：我晒咁黑咪融化到佢！）哈哈！」三人讲到初次跟著名导演戚其义合作，心情特别紧张，阿声说：「开头都会好紧张，以为戚导演系好严格同好恶嘅人，但其实佢好松容，好知道自己要咩嘅导演。」

原来全剧旨呈不止一场戏俾人打，「发觉呢个剧由第一集到最尾嗰集可以数吓我畀人打咗几多次，今日都唔止一次，我有一次机会打人，但大部份我俾人打，可能太乞人憎。今日都打得甘，今朝我俾人用木棍打，除咗黎纪君、（黄）德斌同林耀声，基本上同我有关系嘅人都打过我。」不过相对动作戏，旨呈拍被咀戏似乎更加紧张，拍摄前完全不知对象是谁，他更一度以为要咀嘴，「好彩系咀面咋！本身话要咀嘴我有啲尴尬，因为我自己系荧幕真系未试过，都有啲紧张，但后尾导演话锡面啫！」