独家丨邓佩仪锺意俾人闹愈闹愈有火真系冇成日NG辣㷫张頴康

2021-11-15 23:45

2013年华姐冠军邓佩仪（Gloria）于TVB台庆剧《换命真相》首做「女一」，没料到上位之后传闻多多，除传她拍剧时频频NG，搞到张頴康发火闹人外，最近又被网民批评她「较选美时真的胖了」！对于继7年前拍出道作《点金胜手》后再惹负评，邓佩仪语带坚定：「最坏嘅嘢都发生过，冇乜好惊啦！」采访：方骞平摄影：叶君海

撇除NG传闻，邓佩仪喺《换命真相》的表现都获赞赏，尤其赞她喊得够自然迫真，系可造之材。不过，Gloria面对过《点金胜手》时劣评，现阶段拒睇评语，先享受自己对角色嘅睇法，唔会畀自己有压力：「当年睇完评论真系好大打击，尤其批评我成日眨眼同木口木面，把声好柔弱，咁唔够瞓对眼好乾涩，而且当年选完美决定留低发展即被安排入剧组，前后唔够一星期根本未Ready好。不过，边学边做上咗宝贵一堂，经过呢几年都有改进。」

有剧拍系恩赐

因为久经训练，Gloria心理质素变得强大：「我好变态锺意俾人闹，愈鞭策我团火会愈旺盛，唔忿气要做得到，《点金胜手》时反应差成咁，心态上都冇乜嘢再惊，最多换过演戏方法一步步嚟过。我唔理系咪做女一，其实有得拍剧就算客串都已经好感恩，因为公司有好多有才华兼勤力嘅靓女，我唔够朱千雪、陈凯琳咁靓女，只系胜在够努力，所以拍每套剧都会用心做分场『天书』帮助入戏。」