陈凯琳教煮甜品令爱巢曝光 巨厅摆放3万蚊潮熊成焦点

陈凯琳（Grace）婚后减少拍剧，但仍经常喺社交平台分享凑仔及生活点滴，不过大部份都系靓靓硬照。近日Grace就喺小红书拍片教整甜品Red Velvet Brownies（红丝绒布朗尼）迎接圣诞，令佢同郑嘉颖嘅爱巢意外曝光。

片段见Grace抱住爱犬出场，明显系喺家中拍摄，厨房采用开放式教设计，令屋内空间感大增，而厨房煮食设备非常齐全，搅拌器、大焗炉等应有尽有，睇得出Grace真系入得厨房出得厅堂嘅贤妻。而镜头不时影到大厅角落，设计以简约为主，喺鞋架旁边放有2只Be@rbrick玩具模型，其中限量版「比卡超」模型，原价约$4,000港币，依家喺二手网市场已经炒到过$30,000，唔知呢款贵价潮物系咪两个宝贝仔嘅高档玩具之一呢？而Grace最后就坐咗喺窗边试食，面对无敌美景，食得特别滋味。